Matyu 6:3 - Di Jamiekan Nyuu Testiment

³ Wen unu a gi we notn, no bada mek unu lef an nuo wa unu rait an a du.

Matyu 6:3 Iomraidhean Croise

Matyu 12:19

Fi mi sorvant naa go a kos-kos ar a ala, an nobadi naa go ier im mout outa chriit.

Matyu 6:2

“So, wen unu a gi we tingz an a du gud fi piipl, no bada mek wan bag a naiz bout it, so evribadi si we ya'a du, jos laik wa di ipokrit dem du wen dem iina di Juu dem choch an outa ruod. Dem du dem sitn de fi mek piipl big dem op. Mek mi tel unu dis, an a chuu mi a taak: dem naa notn muo a get.

Matyu 6:4

Da wie de, nobadi naa fi nuo se unu gi we notn, an unu Faada we si tingz we nobadi els no nuo bout, im wi gi unu wa unu fi get”.

Matyu 8:4

Den Jiizas se tu im se, “Mek shuor se yu no tel nobadi, bot galang a wan priis an mek im si yu. Kyari di sakrifais we Muoziz Laa se yu fi gi wen yu skin get beta. Dat wi shuo evribadi se yu aarait nou.”

Matyu 9:30

An dem yai uopm op. Den Jiizas waan dem aaf gud an prapa. Im se, “Luk ya nou, mek shuor se, nobadi no nuo bout dis.”

Maak 1:44

Jiizas tel im se, “Mek shuor se yu no se notn tu nobadi bout dis. Nou dat yu get beta, jos gwaan go shuo yuself tu di priis an kyari di sakrifais we Muoziz Laa se yu fi gi wen yu skin get beta. Dat wi shuo evribadi se yu get kliin.”

Jan 7:4

Kaa, sumadi we waahn piipl fi nuo bout dem no du we dem a du anda di kwaiyat. So sins yu a du dem sitn ya, shuo aaf yuself tu di worl, mek evribadi si yu an nuo we yu a du.”