Matyu 6:2 - Di Jamiekan Nyuu Testiment

² “So, wen unu a gi we tingz an a du gud fi piipl, no bada mek wan bag a naiz bout it, so evribadi si we ya'a du, jos laik wa di ipokrit dem du wen dem iina di Juu dem choch an outa ruod. Dem du dem sitn de fi mek piipl big dem op. Mek mi tel unu dis, an a chuu mi a taak: dem naa notn muo a get.

Matyu 6:2 Iomraidhean Croise

Matyu 15:7

Unu oul ipokrit unu! Di prafit, Aizaiya, did rait wen im se,

Matyu 16:3

Bot ef it red an daak op iina di maanin, unu se, ‘Rien a-go faal tide, kaa di plies daak op.’ So unu nuo fi luk pan di skai an tel ou di weda a-go tan. Bot unu kyaahn andastan di sain dem we a shuo aal we a gwaan nou.

Matyu 22:18

Bot Jiizas did si se a bie wikidnis did iina dem aat, so im se, “Unu set a ipokrit unu! We unu a tes mi fa?

Matyu 23:5

“Dem jos shuo aaf! Dem du aal we dem du fi mek piipl si dem. Unu si ou dem mek fi dem leda baks wid difrant difrant vors outa Gad wod wel big, ye, di siem wan we dem tai aan pan dem ed an dem an. An luk pan dem tasl, luk ou lang it bi!

Matyu 23:6

A bier impuotant siit dem lov sidong iina wen dem go a big dina an iina dem choch.

Matyu 24:51

Di maasta a-go chap im iina tuu an fling im we di ipokrit dem de. De-so piipl a-go baal an a grain dem tiit di wie pien a waks dem.”

Matyu 5:18

Mek mi tel unu dis, an a chuu sitn mi a taak: evn an ort wuda afi mash op fos bifuo di liklis leta we mek op di Laa, ar iivn wan piis a wan a di leta dem, no miin notn agen. An bifuo dat kyan gwaan, evriting we fi apm, afi apm fos.

Matyu 6:16

“Wen unu kip we fram fuud fi worship Gad, no bada lang dong unu fies laik di ipokrit dem. Dem ogli op demself so piipl wi si se a faas dem a faas. Mi tel unu dis, an a chuu mi a taak: dem naa notn muo a get.

Matyu 6:3

Wen unu a gi we notn, no bada mek unu lef an nuo wa unu rait an a du.

Matyu 6:5

“Wen unu a prie, no gwaan laik di ipokrit dem, kaa dem lov tan op an prie iina di Juu dem choch yu no, an pan di kaana outa ruod, so piipl kyan si dem. Mek mi tel unu dis, an a chuu mi a taak: dem don get wa dem fi get aredi, an dem naa notn muo fi get fram faada Gad.

Matyu 7:5

Unu ipokrit unu! Fos unu fi tek out di plangk outa fu'unu yai. Da wie de nou, unu kyan si gud fi tek di lili piis a saados outa unu breda ar sista yai.

Maak 12:39

An wen dem go a di Juu dem choch an go a big dina, dem lov fi sidong iina di bes siit.

Maak 7:6

Jiizas ansa dem se, “Aizaiya di prafit did a taak chuut wen im rait bout unu uol ipokrit. Im rait se, “ ‘Aal dem set a piipl ya du a tek dem mout big mi op, bot iina dem aat dem no waahn av notn fi du wid mi.

Luuk 11:41

Gi tu di puor an du it fram unu aat, an den dat wi shuo se evriwe kliin.

Luuk 11:43

“Unu Farisii — chobl fi unu! Kaaz unu lov fi sidong iina di bes siit iina di Juu dem choch. An unu lov wen piipl gi unu speshal oudi wen unu go a maakit.

Luuk 12:33

Sel wa unu av an elp di puor so unu kyan get moni we kyaahn ron out an stuor op aal kain-a gud sitn fi unuself iina evn. Wa de op de-so no tiif kyaahn kom tek an no mat kyaahn kom nyam nyam op.

Luuk 12:56

“Ipokrit! Unu kyan tel di weda wen unu luk pan wa gwaan roun unu an wen unu luk op iina di skai bot ou kom unu kyaahn andastan wa a gwaan iina dis ya taim ya?

Luuk 13:15

Di Laad tel im se, “Unu tuu-fies! Unu no luus unu kou ar dangki fram di staal an liid dem out fi waata pan di Sabat?

Luuk 20:46

“Main yuself wid dem Laa tiicha ya. Dem laik waak roun iina lang jakit, an lov wen piipl gi dem speshal oudi iina di maakit an fi get di bes siit dem iina di Juu dem choch wen big dina a kip.

Luuk 6:24

“Bot aal a unu we rich — chobl fi unu, kaaz unu get unu iizi laif aredi.

Luuk 6:42

Ou unu fi se, ‘Mi breda, mek mi tek di saados outa yu yai,’ Wen siem taim unu no si di big piis a plangk iina fu'unu uon? Ipokrit! Tek di plangk outa fu'unu yai fos, den unu wi si beta fi tek di saados outa unu breda yai.

Jan 13:29

Bot chuu Juudas did inchaaj a di chred bag, som a dem did tingk se Jiizas did a tel im fi go bai aal a wa dem did fi get fi di Bred Widout Yiis Alidie, ar fi go gi sitn outa it tu puo piipl.

Jan 5:41

“Mi naa luk fi get big op fram piipl.

Jan 5:44

Ou unu fi biliiv iina mi, wen unu lov fi get big op fram unu wan aneda? Ou unu fi biliiv iina mi, wen unu naa chrai fi mek di wan an onggl Gad big unu op?

Jan 7:18

Sumadi we taak fi imself a luk big op fram piipl, bot sumadi we wok so dat di wan we sen im get big op, a gud sumadi an wa im taak a chuu sitn. Dem no lai.

Aks 10:2

Im an im uol fambili aalwiez worship Gad. Nof taim im wuda elp puo piipl an im aalwiez a prie tu Gad.

Aks 10:31

Im se tu mi se, ‘Kaaniiliyos, Gad ier yu prieya an im memba wa yu du fi puo piipl.

Aks 10:4

Kaaniiliyos faasn im yai pan di ienjel an staat kech im fried. Im aks, “A wa Laad?” Di ienjel ansa im se, “Gad ier yu prieya dem, an im si di gud sitn dem we yu du fi puo piipl. Gad memba di sitn dem we yu du, an tu im dem komiin laik wan sakrifais.

Aks 11:29

So di piipl dem we biliiv iina Jiizas mek op dem main fi elp Gad piipl we de iina Judiya. Evribadi gi wa dem kuda gi an dem gi bies pan wa dem av.

Aks 24:17

“Afta mi did kip we fram Jeruusilem fi kopl ier, mi go bak fi kyari som moni fi gi mi uona piipl fi elp di puor an fi bon sakrifais gi Gad.

Aks 9:36

Nou yu did av wan uman we biliiv iina Jiizas we liv a Japa. Shi did niem Tabita, bot iina Griik shi niem Daakas. Shi did eva a du gud an a elp puo piipl.

Ruoman 12:8

Ef Gad mek yu kyan taak tu piipl an mek dem fiil laik se dem kyan du wa dem niid fi du, den a dat yu fi du. Ef im gi yu wan aat fi piipl we mek yu shier aal we yu av, den yu fi gi wid aal a yu aat. Ef Gad mek yu wan liida, den yu fi wok aad. Ef Gad mek yu kyan gud an kain tu piipl, den a dat yu fi du an yu fi api fi du it tu.

1 Korintiyan 13:3

An ef mi gi we evriting we mi av, an aal gi op mi badi so dat dem kyan bon it op, ef mi du aal a dat bot no av lov iina mi aat, it naa du mi no gud.

Gyalieshan 2:10

Di onggl ting dem aks wi fi du a memba di puo, an dat a di sed ting mi did wel waahn du.

Ifiijan 4:28

Aal uu did a tiif mos tap tiif. Wa dem fi du a wok aad fi wa dem waahn. Da wie de, dem wi av inof fi shier wid piipl we no av notn.

1 Tesaluoniyan 2:6

Wi neehn a luk fi piipl big wi op ar notn laka dat. Wi neva did a luk fi dat fram non a unu ar fram nobadi els niida.

1 Timoti 6:18

Tel dem fi du nof gud sitn — a dat dem fi rich wid, an tel dem se dem mos gi tu ada piipl an shier wa dem av.

Failiiman 1:7

Failiiman, mi breda, yu lov fi Gad piipl, du mi aat gud an gi mi chrent. Yu lov kaaz aal a Gad piipl fi api.

Iibruu 13:16

An no figet fi du wa gud, an fi shier we unu av, kaaz Gad lov dem kain-a sakrifais de.

1 Piita 4:11

So ef Gad mek non a unu fi priich — unu fi priich laik se a Gad wod itself unu a taak. Aal a uu fi sorv, fi sorv wid di chrent an powa we Gad gi unu. Da wie de Gad wi get di priez iina evriting wi du siek-a Jiizas Krais. Aal a di ana, priez an powa a fi Gad, tide, tumaro an fi eva! Iemen.