Matyu 5:5 - Di Jamiekan Nyuu Testiment

⁵ Aal a uu ombl demself, Gad bles dem, kaa yu si di ort, a dem piipl de a-go kom get it.

Matyu 5:5 Iomraidhean Croise

Matyu 11:29

Jos laka ou di kou tek di wudn yuok pan dem shuolda, a so unu fi tek op di sitn dem we mi tel unu fi du, an tek iin wa mi a tiich, kaa mi wi tek taim wid unu, an mi riili ombl, an unu wi get fi res unu suol.

Matyu 21:5

“Tel di piipl dem we kom fram Zaiyan se, ‘Luk ya, unu king a kom tu unu, im a kom jengkl an ombl, a sidong pan wan big dangki, an pan wan yong dangki tu — dat a di mada dangki biebi.’”

Ruoman 4:13

Gad did pramis Iebriyam se di worl wuda bilang tu im an im pikni dem. Gad neva mek im da pramis de kaaz im did a fala di Laa, bot kaaz Iebriyam did biliiv iina Gad an Gad did mek tingz rait bitwiin di tuu a dem.

Gyalieshan 5:23

Di Spirit mek dem jengkl an mek dem nuo ou fi kanchuol demself. No Laa no de bout we wi tap yu fram liv so.

Ifiijan 4:2

Ombl unuself an lorn fi tek taim wid unu wan aneda. No bada rof op nobadi. Insted-a dat, aalwiez shuo lov wen unu a diil wid unu wan aneda. No kwik fi get beks.

Koloshan 3:12

So laik ou unu a Gad piipl we im pik an we im riili lov, unu aat mos muuv insaida unu fi ada piipl. Unu fi kain tu dem an unu fi ombl. Unu fi jengkl an unu mos tek taim wid piipl.

1 Timoti 6:11

Bot aal laik yu Timoti we a wan man a Gad, yu fi ron fram dem wikid sitn de. Yu fi chrai yu bes fi liv ou Gad waahn yu fi liv an fi liv di sitn dem we yu tiich. Yu mos gwaan tiich di Wod an chos se Gad wi gi yu chrent. No gi op, shuo lov an tek yu taim wid piipl tu.

2 Timoti 2:25

Gad sorvant, wen im a karek di wan dem we go gens di chuut, fi tek im taim wid dem. Kaaz Gad mait-a mek dem chienj dem wiez an lorn di chuut.

Taitos 3:2

Dem no fi taak bad bout nobadi an dem no fi kwaril-kwaril. Insted-a dat, dem fi tek taim wid piipl an shuo rispek tu evribadi.

Jiemz 1:21

So unu fi get rid a aal a di naasi an torbl sitn dem we so nof bout di plies. Ombl unuself an tek iin di mesij we Gad put iina unu aat we kyan siev unu laif.

Jiemz 3:13

Enibadi mongks unu waiz an av sens? Ef unu liv gud, ombl unuself an du wa rait, dat wi shuo se unu waiz.

1 Piita 3:15

Unu fi andastan se Krais Jiizas a di onggl Laad, an worship im wan. An unu fi aalwiez redi fi ansa enibadi we aks unu a wa mek unu chos iina Krais Jiizas so.

1 Piita 3:4

Insted-a dem sitn de, unu fi wach unu aat. A ou unu aat tan — a dat wi riili mek unu luk gud. Wen sumadi jengkl an kwaiyat — a dat luk gud kyaahn don, an a dat a-go laas fi eva, an a dat riili mata tu Gad tu.