Matyu 5:3 - Di Jamiekan Nyuu Testiment

³ “Aal a unu we nuo se unu niid Gad iina evri wie, Gad bles unu, kaa di gud sitn dem we Gad gi wen im ruul piipl laif iina evri wie, a unu a-go get dem.

Matyu 5:3 Iomraidhean Croise

Matyu 11:25

Da taim de, Jiizas se, “Faada, a yu ron evriting iina evn an pan ort, mi priez yu. Mi priez yu kaa yu aid dem sitn ya fram piipl we tingk se dem brait an av nof sens, bot yu shuo lili pikni dem.

Matyu 11:6

Gad bles di piipl dem we no tap chos iina mi jos kaa mi no gwaan ou dem tingk di wan we dem a wiet pan fi gwaan.”

Matyu 13:16

Bot Gad bles fu'unu yai an iez dem, kaa dem si an ier!

Matyu 19:14

Bot Jiizas se, “Lou di likl pikni dem, mek dem kom tu mi. No chrai tap dem, kaaz Gad kindom a fi piipl we komiin laik dem likl pikni ya.”

Matyu 24:46

It a-go gud fi di sorvant we di maasta kom fain a du im wok.

Matyu 25:34

“Den di king a-go se tu di wan dem pan im rait-an-said se, ‘aal a unu we mi Faada bles, kom kom tek Gad Kindom, a fu'unu uon. Gad did fiks it op fu'unu fram im a mek di worl.

Matyu 3:2

Im se, “Ton we fram unu sin, kaa di die suun kom wen evn a-go ruul uova di worl iina evri wie!”

Matyu 8:11

Ier mi no, uol iip a piipl fram iis an wes a-go kom sidong iit big dina wid Iebriyam, Aizak an Jiekob op a evn iina Gad kindom.

Maak 10:14

Wen Jiizas si dis, im get beks an se, “Lou di pikni dem mek dem kom! No chrai tap dem, kaaz Gad kindom a fi piipl we komiin laik dem likl pikni ya.

Luuk 11:28

Jiizas ansa ar an se, “Di piipl dem we ier Gad wod an du we it se, a dem riili bles.”

Luuk 18:14

“Mi a tel unu da man ya, no di Farisii, bot di taks kalekta, im go a im yaad an evriting rait bitwiin im an Gad. Enibadi we put demself uova ada piipl a-go get pudong, an dem we ombl demself, wi get lif op ai.”

Luuk 22:29

An nou mi a mek unu king, jos laik ou fi mi Faada mek mi king,

Luuk 22:30

so unu kyan nyam an jringk a mi tiebl iina mi kindom, sidong pan chuon, an joj Izrel twelv chraib dem.

Luuk 4:18

“Di Spirit a di Laad de pan mi, kaaz im pik mi out fi kyari gud nyuuz go gi puo piipl. Im sen mi fi mek di prizna dem nuo se dem a-go frii, fi mek blain piipl nuo se dem a-go si agen, fi mek piipl we a sofa nuo se dem naa go sofa fi eva.

Jan 20:29

So Jiizas se tu im se, “A chuu yu si mi mek yu biliiv se a mi? Gad bles di piipl dem we no si mi bot biliiv iina mi siem wie.”

Jiemz 1:10

Bot di rich piipl dem mos buos bout ou Gad ombl dem, kaaz rich piipl a-go get bluo we laik wail flowaz.

Jiemz 1:12

Ef unu uol aan chrang an no gi op wen unu a go chuu chraiyal an kraasiz we kom fi tes unu, unu a-go wel api. Kaaz wen unu tes don, Gad gweehn gi unu di kroun a laif we im pramis fi gi evribadi we lov im.

Jiemz 2:5

Mi breda an sista, ier wa mi a se. No Gad pik di puo piipl iina di worl fi bles dem kaaz dem biliiv iina im? Im pik dem fi tek paat iina im kindom wa im pramis fi gi aal uu lov im.

Revilieshan 19:9

Den di ienjel se tu mi se, “Rait dis dong: ‘Di wan dem we get invait fi kom a di Biebi Shiip wedn sopa, a dem api.’ ” Den di ienjel se tu mi se, “Wa mi a tel yu, a Gad wod we chuu.”

Revilieshan 22:14

“Di wan dem we wash dem lang jakit a dem api, kaaz a dem a-go get di rait fi go iina di siti an fi iit fruut fram di chrii we gi laif.

Revilieshan 3:17

Unu se, ‘Mi rich; mi av uol iip a moni an evriting mi waahn.’ Bot yu no si ou yu mash op an tan bad, an pap dong laik oul shuuz bak, an puor, an blain an na'av aan no kluoz?