Matyu 3:7 - Di Jamiekan Nyuu Testiment

⁷ Bot wen im si uol iip a piipl fram di Farisii an Sadyusii gruup a kom fi im baptaiz dem, im se tu dem se, “Unu siniek pikni unu! A uu waan unu fi ron we fram di jojment we a kom?

Matyu 3:7 Iomraidhean Croise

Matyu 12:24

Bot wen di Farisii piipl dem ier dis, ier dem no, “Im kyaahn ron out no diiman ef a no Belzibul, di diiman ruula, gi im powa fi ron dem out.”

Matyu 12:34

Unu likl siniek pikni unu! Ou unu kyan se notn we gud, wen unu wikid an tan bad? Kaaz wa kom outa yu mout, a wa de iina yu aat.

Matyu 15:12

Den im falara dem kom kom se tu im se, “Yu nuo se di Farisii dem did fiil a wie wen dem ier wa yu se? Dem tek it tu aat an beks.”

Matyu 16:1

Nou wen di Farisii an Sadyusii piipl dem kom kom tes Jiizas, dem aks im fi wan sain fi pruuv se a Gad sen im kom.

Matyu 16:6

“Wach out!,” Jiizas se tu dem. “Gyaad unuself gens di Farisii an Sadyusii piipl dem yiis.”

Matyu 22:15

Den di Farisii go we an staat mek plan fi tek Jiizas uona wod chrap im.

Matyu 22:23

Da siem die de som Sadyusii piipl kom a Jiizas (dem set a piipl de se, wen yu ded yu kyaahn kom bak alaiv). Dem kom kom aks Jiizas se,

Matyu 22:34

Nou wen di Farisii ier ou im shot op di Sadyusii dem, dem miit op tugeda.

Matyu 23:33

“Unu set a siniek an siniek pikni unu! Ou unu fi eva get we, an no get ponish dong a el, iihn?

Matyu 5:20

Mek mi tel unu sopm, ef unu no du di sitn dem we Gad waahn muo dan di Laa tiicha an di Farisii dem, unu kyaahn ton wan a di piipl dem we Gad ruul uova.

Maak 12:13

Di liida dem sen som man fram mongks di Farisii dem an Erad falara dem fi tek Jiizas uona wod chrap im.

Maak 12:18

Som Sadyusii (dem kliem se piipl we ded kyaahn kom bak alaiv) kom tu Jiizas an aks im se,

Maak 8:15

So Jiizas tel dem se, “Wach out! Gyaad unuself gens di Farisii dem an Erad yiis.”

Luuk 16:14

Di Farisii dem laaf aafa Jiizas wen dem ier dis, kaaz dem lov moni.

Luuk 18:11

Di Farisii tan op an prie bout imself se ‘Gad, mi tangk yu dat mi no tan laka ada piipl we tiif, brok di Laa, sliip wid piipl dem no marid tu, ar iivn laik da taks kalekta ya.

Luuk 7:30

Bot di Farisii an di Laa tiicha dem ton dem bak pan wa Gad did waahn dem fi du, kaaz dem neva mek Jan Baptaiz dem.)

Jan 1:24

Nou, di Farisii dem did sen som a fi dem uona piipl fi kwestiyan Jan tu.

Jan 8:44

Unu bilang tu unu faada, di devl, an unu waahn fi du di sitn dem we unu faada waahn unu fi du. Im did a mordara fram di staat, an na'av notn fi du wid di chuut, kaa im no se ar av notn fi du wid di chuut. Wen im tel lai, im jos a taak ou im tan, kaa im a laiyad an im a di faada fi aal lai.

Jan 9:40

Som a di Farisii dem we did de roun im ier wen im se dis an aks, “A blain yu a se wi blain tu?”

Aks 15:5

Den som a di choch piipl dem we a paat a di Farisii gruup tan op an se, “Di piipl we a no Juu afi get sorkomsaiz an wi afi aada dem fi kip Muoziz Laa tu.”

Aks 20:31

So wach unuself an memba ou nait an die fi chrii ier, mi neva tap waan evri wan a unu, iivn duo mi did afi go chuu nof sofarieshan.

Aks 26:5

Dem nuo, kaaz dem nuo mi fram lang lang taim. An ef dem waahn dem kyan tel yu ou mi liv azkaadn tu di gruup mongks wi piipl we fala di Laa tu a tii, kaaz mi a wan Farisii.

Aks 5:17

Den di liida fi di priis dem an di Sadyusii dem we did a fala im did wel beks kaaz evribadi did api wid di apasl dem.

Ruoman 1:18

Fram evn, wich paat im ruul, Gad shuo se im beks an a-go joj aal a di piipl dem we a liv iina sin an we a du aal kain-a wikid sitn. Dem de piipl de tap ada piipl fram nuo di chuut bout Gad wid di wikid sitn dem we dem du.

Ruoman 5:9

Jiizas ded fi wi sin dem, an so Gad put tingz rait bitwiin wi an im. An sins wi nuo se Jiizas did du dat wi nuo tu se im wi siev wi wen Gad kom fi joj di worl.

1 Tesaluoniyan 1:10

An dem taak bout ou unu a wiet fi Jiizas, Gad Bwai Pikni, fi kom fram evn. Jiizas, we Gad mek kom bak alaiv. Jiizas, we siev wi fram Gad jojment we a kom.

Iibruu 11:7

Afta Gad waan Nowa bout di sitn dem we Nowa kudn si yet, a kaaz Nowa chos iina Gad an av nof nof rispek fi im mek im lisn we Gad se an go bil wan big buot fi siev im fambili. Kaaz Nowa did chos iina Gad so, im kot aaf imself fram di piipl dem iina di worl an shuo se dem rang kaa dem no chos iina Gad. Gad se, “Nowa a sumadi we du wa rait” kaaz Nowa chos iina im.

Iibruu 6:18

Gad du tuu sitn we kyaahn chienj, kaaz wi nuo se Gad kyaahn lai. Im du dem tuu sitn de, so wi we ron tu im fi kip sief, wi wi fiil laik wi kyan uol aan chrang kaaz wi nuo fi shuor se wi a-go get di sitn dem we im pramis fi gi wi.

1 Jan 3:10

Wi kyan nuo uu a Gad pikni fram uu a di Devl pikni. Enibadi we no du wa rait iina Gad yai, an we no lov dem breda an sista, dem a no Gad pikni.