Matyu 3:6 - Di Jamiekan Nyuu Testiment

⁶ an wen dem taak infronta evribadi bout aal a di rang sitn we dem du, an ou dem sari se dem du dem sitn de, im baptaiz dem iina di Jaadn Riva.

Matyu 3:6 Iomraidhean Croise

Matyu 3:11

“Mi tek waata baptaiz unu fi shuo se unu ton we fram sin. Bot sumadi a kom we muo powaful dan mi. Mi no iivn gud inof fi aal kyari im slipaz. Im wi tek di Uoli Spirit an faiya, an baptaiz unu.

Maak 1:5

Piipl fram aal uova Judiya an evribadi we liv iina Jeruusilem did a go tu im. Wen dem si se dem a sina, an sari fi di rang we dem du, im baptaiz dem iina di Riva Jaadn.

Luuk 1:16

Im a-go bring bak uol iip a Izrel piipl tu di Laad, we a dem Gad.

Luuk 3:16

So im se tu dem, “Mi baptaiz unu iina waata. Bot sumadi we muo impuotant dan mi a kom an mi no iivn gud inof fi pul di chrap pan im slipaz. Im wi baptaiz unu iina di Uoli Spirit an faiya.

Aks 1:5

Kaaz Jan baptaiz piipl wid waata, bot kopl die fram nou Gad a-go baptaiz unu wid di Uoli Spirit.”

Aks 11:16

A da taim de mi memba ou di Laad did se: ‘Jan baptaiz piipl wid waata, bot Gad a-go baptaiz unu wid di Uoli Spirit.’

Aks 19:18

Uol iip a di wan dem we did biliiv tan op infronta evribadi an tel dem bout di rang sitn dem we dem did a du.

Aks 22:16

So wa yu a wiet fa nou? Git op, kaal pan Gad niem, get baptaiz an mek Gad wash we yu sin.’

1 Korintiyan 10:2

Wen dem waak anda da kloud de an kraas di sii, it komiin laik se dem did baptaiz an ton wan wid Muoziz, siek-a aal a wa dem go chuu.

Koloshan 2:12

An wen unu did get baptaiz, a laik se unu did ded an beri wid Krais Jiizas. An a laik se Gad mek unu liv agen tu wen Jiizas kom bak alaiv. Im du dat jos kaaz unu chos iina im powa. A im tek we Jiizas fram mongks ded piipl an mek im kom bak alaiv.

Iibruu 6:2

Wi shudn afi a tiich nou bout ou wi fi baptaiz, ar ou fi put an pan piipl wen dem a baptaiz an prie fi Gad bles dem, ar se ded piipl a-go kom bak alaiv an dat Gad a-go joj piipl — an a wa im mek op im main pan a-go laas fi eva. Nuo sa! wi shudn afi a tiich dem sitn de agen.

Iibruu 9:10

Dem sitn de did onggl a diil wid wa piipl fi nyam an jringk an di difrant difrant wie dem kyan kliin op demself. Aal a dem ruul de, we onggl a tel wi bout ou piipl fi du tingz, an we naa tel wi notn bout piipl aat, dem onggl a-go laas til di taim kom fi set tingz rait. Dat a wen di nyuu plan kom iin an chienj tingz roun.

Jiemz 5:16

Ef unu sin, unu fi tel wan aneda wa unu du, an prie fi wan aneda so unu kyan get beta. Wen sumadi we liv rait prie, im prieya ful op a powa an wi mek gud sitn apm.

1 Piita 3:21

Dem flod waata de komiin laik baptizam we siev wi ya nou. Baptizam a no fi wash aaf wi badi. Wen wi baptaiz, it miin se wi kanchens klier klier an wi mek wan pramis tu Gad. An dat siev wi kaaz Gad mek Jiizas Krais ded an kom bak alaiv.

1 Jan 1:9

Bot ef wi si se wi sin an beg Gad paadn, wi kyan nuo fi shuor se Gad wi paadn wi an wash we aal a wi sin dem.