Matyu 27:4 - Di Jamiekan Nyuu Testiment

⁴ Ier im no, “Mi sin, mi sin, kaa mi sel out sumadi we neehn du notn rang!” Bot dem se tu im se, “Wa dat av fi du wid wi? A fi yu prablem dat, gwaan go diil wid dat yuself!”

Matyu 27:4 Iomraidhean Croise

Matyu 27:19

Wen Pailat de de a sidong iina im speshal siit az joj fi di kies, im waif sen im da mesij ya: “No av notn fi du wid da man de kaa im no du notn rang. Mi av wan bad bad jriim bout im tide. Laaks! It mek mi sofa.”

Matyu 27:54

Wen di ed fi onjrid suoja, an di suoja dem we did de wid im a gyaad Jiizas, si di ortkwiek an aal we did a apm, dem kech dem fried wikid wikid. Ier dem no, “Fi riil, da wan ya did a Gad Bwai Pikni fi chuu!”

Luuk 23:22

Pailat aks dem agen — dat mek chrii taim. “Wa mek? Wa im du rang? Mi no fain se im du notn rang fi wi kil im. Mi wi ponish im an den let im go.”

Luuk 23:41

Dem a ponish di tuu a wi fi wa wi du, so wi a get wa wi dizorv. Bot da man ya no du notn rang.”

Luuk 23:47

Wen di ed suoja fi di aami, si wa apm, im priez Gad an se, “Fi riil da man ya mos a wan gud man we neva du notn rang!”

Jan 19:7

Bot di Juu liida dem stil baal out, “Wi av wan laa we se im fi ded, kaa im a taak bout ou im a Gad Bwai Pikni.”

Aks 13:28

Iivn duo dem neva fain notn fi chaaj im fa, dem beg Pailat fi kil im pan di kraas.

Ruoman 3:19

Nou wi nuo se evriting we rait dong iina di Laa a fi di piipl we a fala di Laa. Gad gi dem di Laa so dat nobadi kyan se notn wen im kom fi ponish dem — nobadi kyan se dem neva nuo rait fram rang. So Gad a-go ponish evribadi we de iina di worl, weda dem a Juu ar dem a no Juu.

1 Timoti 4:2

Dem tiicha ya a ipokrit, dem no nuo rait fram rang kaaz dem naa no kanchens.

Taitos 1:16

Dem se dem nuo Gad, bot dem no gwaan laik se dem nuo im. Dem de kain-a piipl de sik Gad tumok. Dem no du wa im se an dem so woklis dat dem kyaahn du notn gud.

Iibruu 7:26

Liida fi priis we komiin laik Jiizas, a riili di kain-a liida fi priis we wi niid. Im mek Gad api iina evri kain-a wie. Im no du notn rang; im neva sin. Nobadi kyaahn bliem im fi notn. Gad mek im difrant, im no komiin laka sina piipl. An Gad riez im op ai ai, aiya dan aal evn.

1 Piita 1:19

Bot Gad siev unu wid Krais Jiizas preshos blod, preshos laik wan biebi shiip we neva du notn rang at aal at aal; wan biebi shiip we naa no maak ar no kot ar notn laka dat.

1 Jan 3:12

Wi no fi tan laik Kien we did mek di devl ruul im an mek im go kil aaf im breda. An wa mek yu tingk im kil im breda, iihn? Kaaz im breda du wa rait an Kien, im du wikidnis.

Revilieshan 11:10

Di piipl dem pan di ort a-go wel api se dem tuu prafit de ded. Dem a-go paati an sen prezent go gi wan aneda kaaz dem tuu prafit de yuus tu mek di piipl dem sofa wikid wikid.