Matyu 22:4 - Di Jamiekan Nyuu Testiment

⁴ “So im sen som ada sorvant, ier im no, ‘Tel aal a uu mi did invait se, “Luk ya no, di big dina we mi did a fiks op fu'unu, it redi nou. Mi tek out mi naisis bulkou an mi speshal kou we mi mek get big an fat so dem wuda iit gud. A dem mi kil an evriting redi nou. Kom a di wedn dina.’

Matyu 22:4 Iomraidhean Croise

Matyu 21:36

So im sen som ada sorvant, muo dan wa im did sen di fos taim. An di tenant dem chriit dem di siem wie.

Matyu 22:5

“Bot dem neva weehn a tek im aan at aal, an dem lef go we sed wie. Som go a dem faam, som did av bizniz fi tek kier a.

Matyu 22:8

“Den im se tu im sorvant dem, ‘Di wedn redi bot uu mi invait no fit fi kom.

Luuk 14:17

Wen di taim kom fi di dina im sen im sorvant fi tel aal a uu im invait se, ‘Kom, evriting redi nou.’

Aks 1:8

Bot di Uoli Spirit a-go kom pan unu an ful unu op wid powa an unu wi tel piipl iina Jeruusilem, Judiya, Samieriya an aal uova di worl bout mi.”

Aks 13:46

Bot Paal an Baanabas neva fried fi tel dem di chuut. Dem se, “Wi did afi priich Gad wod tu unu fos bifuo wi kuda priich tu di piipl we a no Juu, kaaz a dat Gad tel wi fi du. Bot unu ton unu bak pan Gad mesij an se a lai wi a tel. Da wie de unu ton unu bak pan Gad. An unu tingk se unu neva gud inof fi liv wid im fi eva an eva laik wa im did pramis. So fram nou aan, wi a lef unu an go priich Gad mesij tu di piipl dem we a no Juu.

Ruoman 8:32

Gad neva tap im uona Bwai Pikni fram sofa. Im gi im op an sen im fi ded fi wi. Nou ef Gad gi op im Bwai Pikni fi wi, unu no tingk im wi muor dan gi wi evriting els?