Matyu 22:3 - Di Jamiekan Nyuu Testiment

³ Wen a taim nou fi di dina, di king sen im sorvant dem fi go kaal aal uu im did invait, bot dem wudn kom.

Matyu 22:3 Iomraidhean Croise

Matyu 21:34

Wen di griep dem raip op nou, an a taim fi pik dem, im sen im sorvant dem go a im tenant dem fi kalek wa im fi get fram im faam.

Matyu 23:37

“Ai Jeruusilem, Jeruusilem, yu we kil di prafit dem an stuon di wan dem we Gad sen tu unu, mi lang fi gyada yu piipl roun mi, laik ou foul gyada fi ar pikni dem anda ar wing, bot unu neva waahn mi fi dwi'it!

Matyu 3:2

Im se, “Ton we fram unu sin, kaa di die suun kom wen evn a-go ruul uova di worl iina evri wie!”

Matyu 9:15

Jiizas se tu dem se, “Yu tingk se di piipl dem we di braidgruum invait kyan a lang dong dem fies an sad sad op demself wen di braidgruum de mongks dem? Di taim a kom wen di braidgruum a-go gaan fram dem. A da taim de, dem wi kip we fram fuud.

Luuk 13:34

“Ai Jeruusilem, Jeruusilem, yu we kil di prafit dem an stuon di wan dem we Gad sen tu unu, mi lang fi gyada yu piipl roun mi, laik ou foul gyada fi ar pikni dem anda ar wing, bot unu neva waahn mi fi dwi'it!

Luuk 15:28

“Di biga breda did so beks, im wudn go iina di ous. So im faada go out go beg im fi kom iin.

Luuk 19:27

Yu si dem we iet mi an neva did waahn mi ton dem king, kyari dem kom kil dem rait ya-so.’ ”

Jan 5:40

an unu stil naa kom tu mi so unu kyan get fi av riil laif.

Aks 13:45

Wen di Juu dem si di kroud, dem get red yai an staat bad main Paal, an staat chat bout se wa im a se bout Jiizas a lai, an chat bad sitn bout Paal tu.

Ruoman 10:21

Dat a wa im se bout di piipl we a no Juu, bot dis a wa im se bout di Izrel piipl dem, “Uol die lang, mi av mi an dem uopm, redi fi welkom dem piipl ya we naa fala wa mi se an we eva a go gens mi.”

Iibruu 12:25

Wach out an mek shuor se unu no ton unu bak pan di wan we a chat! Kaaz ef dem neehn get we wen dem did ton dem bak pan di wan pan ort we waan dem, unu tingk se wi a-go get we ef wi ton wi bak pan di wan fram evn we a waan wi?

Iibruu 9:15

A so kom im mek wan nyuu plan bitwiin Gad an piipl. So di piipl dem we Gad kaal fi bi fi im uona piipl dem, im kyan bles dem fi eva laik we im pramis fi du. Dat kyan apm kaaz im ded, an kaaz im go ded di piipl dem we sin an brok di uol taim plan we Gad did mek wid dem, dem piipl de kyan get paadn.

Revilieshan 22:17

Di Spirit an di braid se, “Kom Laad Jiizas!” An aal uu ier wa de iina da buk ya, se, “Kom Laad Jiizas!” Aal uufa chuot jrai an we waahn waata fi jringk, kom kom tek di frii waata we gi laif.