Matyu 2:4 - Di Jamiekan Nyuu Testiment

⁴ Erad kaal evribadi tugeda iina wan miitn — aal a di ed priis an di man dem we tiich Muoziz Laa — an im aks dem a wich paat di Krais — di king we Gad pramis, fi baan.

Matyu 2:4 Iomraidhean Croise

Matyu 13:52

Den im se tu dem se, “So, aal a di Laa tiicha dem we ton wan falara fi Gad kindom, dem komiin laik sumadi we uon wan ous an im tek outa im bochri uol sitn an nyuu sitn.”

Matyu 2:3

Nou wen King Erad ier dis ya, dis bada bada im ed, an it bada uol iip a piipl iina Jeruusilem tu.

Matyu 2:5

Dem ansa se, “Iina Betliyem, kaaz a dat di prafit did rait dong:

Matyu 21:15

Bot wen di ed priis an Laa tiicha dem si di mirikl dem we im du, an ier di pikni dem iina di yaad we Gad ous de a baal out se, “Priez im! Mek wi priez Dievid pikni” dem beks kyaahn don,

Matyu 21:23

Nou afta Jiizas did go bak iina di yaad we Gad ous de, wen im did a tiich, di ed priis an di elda fi di piipl dem kom tu im. Dem aks im se, “Wa rait yu av fi du dem sitn ya, an a uu gi yu di rait fi du dem?”

Matyu 26:3

Den di ed priis an di Juu elda dem miit op wich paat di liida fi di priis dem liv — di liida fi di priis dem did niem Kaiyafas.

Matyu 26:47

Wen Jiizas did stil de de a taak, Juudas, wan a im twelv speshal falara dem, kom. Wan bag a piipl kom wid im. Dem did kom wid suod an big tik, an a di ed priis an Juu liida dem did sen dem.

Matyu 27:1

Orli orli iina di maanin, aal a di ed priis an Juu elda dem miit op an mek op dem main fi kil Jiizas.

Matyu 7:29

Kaaz Jiizas did tiich dem laik sumadi we av di rait an di powa fi du it. Im neehn tiich laik fi dem Laa tiicha.

Maak 8:31

Den Jiizas staat tel im falara dem se, “Di Man we Gad Pik a-go afi go chuu nof nof sofarieshan, an di elda dem, di ed priis dem, an di Laa tiicha dem a-go ton dem bak pan im, an dem a-go kil im. Bot chrii die afta dat, im a-go kom bak alaiv.”

Luuk 20:19

Di Laa tiicha dem an di ed priis dem luk fi wan wie fi lak op Jiizas siem taim, kaaz dem nuo se a dem im did a chat bout. Bot dem did fried a di piipl.

Luuk 23:10

Di ed priis dem an di Laa tiicha dem did tan op de an a kos se Jiizas du uol iip a bad sitn.

Jan 18:3

So Juudas kom a di plies wid wan gruup a suoja. Di ed priis dem an di Farisii dem sen som a di man dem we gyaad Gad ous de tu. Di uol a dem go iina di gyaadn wid lamp, taach an aal saat a sitn fi fait wid.

Jan 3:10

Bot, Jiizas se tu im se, “A yu a tap tiicha iina Izrel, an yu no andastan dem sitn ya we mi a taak bout?

Jan 7:32

Di Farisii dem ier di kroud a piipl a wispa dem sitn ya bout Jiizas. So di ed priis dem an di Farisii dem sen dem we gyaad Gad ous fi lak im op.

Jan 8:3

Nou di Laa tiicha dem an di Farisii dem kyari iin wan uman we dem kech a sliip wid wan man we a no ar ozban. An dem mek ar tan op infronta di kroud a piipl.

Aks 23:9

Di Sadyusii dem an di Farisii dem shout aafa wan aneda louda an louda til som a di Laa tiicha fram di Farisii gruup get op an taak chrang chrang, an wan a dem se, “Wi no fain notn rang wid da man ya. Sopuoz a wan spirit ar wan ienjel did taak tu im fi chuu?”

Aks 4:5

Di neks die di ruula dem, di elda dem, an di Laa tiicha dem gyada op iina Jeruusilem.

Aks 6:12

So dem rail op di piipl, di elda dem an di Laa tiicha dem. Dem ron dong pan Stiivn, grab im an jrag im go a di plies we di liida dem miit an mek im tan op infronta dem.