Matyu 2:2 - Di Jamiekan Nyuu Testiment

² “We di pikni de we baan di ada die, we fi kom ton king fi di Juu piipl dem? Wi si im staar iina di Iis, we shuo se im baan, an wi kom fi shuo im nof rispek.”

Matyu 2:2 Iomraidhean Croise

Matyu 2:3

Nou wen King Erad ier dis ya, dis bada bada im ed, an it bada uol iip a piipl iina Jeruusilem tu.

Matyu 21:5

“Tel di piipl dem we kom fram Zaiyan se, ‘Luk ya, unu king a kom tu unu, im a kom jengkl an ombl, a sidong pan wan big dangki, an pan wan yong dangki tu — dat a di mada dangki biebi.’”

Matyu 27:11

Nou Jiizas tan op infronta di govana, an di govana aks im se, “Yu a di Juu dem king?” Jiizas se, “A yu se so.”

Luuk 19:38

Dem se, “Gad bles di King we im sen kom! Im sen im wid fi'im powa!” “Mek piis ruul iina evn, an priez tu Gad we liv iina evn.”

Luuk 2:11

Di wan we a-go siev unu baan tide iina di toun we Dievid kom fram. Im a Krais, di Laad.

Luuk 23:3

Pailat aks Jiizas se, “Yu a di Juu dem king?” Jiizas ansa im se, “A yu se so.”

Luuk 23:38

Wan sain did iivn uova Jiizas ed we se, “DIS A DI JUU DEM KING.”

Jan 1:49

Wen Nataniyel ier Jiizas se dat de, im se, “Rabai! Tiicha! Yu a Gad Bwai Pikni fi chuu! Yu a di King we ruul uova Izrel!”

Jan 12:13

So dem tek som paam chrii branch an go fi miit im, an dem shout out loud loud se, “Priez Gad!” “Gad bles di wan we im sen kom! im sen im wid fi'im powa!” “Gad bles di wan we a king iina Izrel!”

Jan 18:37

“So yu a king, den?!”, Pailat aks im. Jiizas ansa im an se, “ ‘King,’ a di wod yu yuuz. A dis mi did baan fa; a dis ya mek mi kom iina di worl: fi taak tu piipl bout di sitn dem we riili chuu. Evribadi we lov di chuut lisn we mi se.”

Jan 19:19

Pailat mek dem rait wan sain put uova im ed we riid se: “JIIZAS WE KOM FRAM NAZARET, DI JUU DEM KING.”

Jan 20:28

Den Tamas se tu im se, “Yu a mi Laad an mi Gad!”

Jan 5:23

so dat evribadi kyan rispek di Bwai Pikni iina di sed wie dem rispek di Faada. Enibadi we no rispek di Bwai Pikni no rispek di Faada we sen im.

Jan 9:38

So di man se, “Laad, mi biliiv,” an im worship Jiizas.

Iibruu 1:6

Bot wen Gad bring im fos bwai kom iina di worl, im se, “Aal a Gad ienjel dem — worship im!”

Revilieshan 22:16

“A mi, Jiizas, sen mi ienjel kom tel yu dem sitn ya fi tel di choch dem. Mi a di wan we kom fram King Dievid fambili — Mi a di wan we komiin laik di brait staar we shain wen di son a kom op a maanin taim.”