Matyu 2:16 - Di Jamiekan Nyuu Testiment

¹⁶ Wen Erad si se di waiz man dem did chrik im op, im beks til im nieli bos! Im sen out aada, an kil aaf aal a di bwai pikni dem we did iina Betliyem an di plies dem we did de nier Betliyem, aal a di pikni dem we did a tuu ier uol an anda tuu. Im du dat azkaadn tu di taim wen di waiz man did se dem si di staar.

Matyu 2:16 Iomraidhean Croise

Matyu 2:1

Jiizas did baan iina Betliyem, wan toun iina Judiya. Dem taim de, a Erad did a king iina Judiya. Nou, iina dem siem taim de, som waiz man fram di Iis said did kom a Jeruusilem an a aks,

Matyu 2:17

Den wa di Laad did yuuz di prafit Jerimaiya fi se, kom chuu:

Matyu 2:7

Den Erad sen kaal di waiz man dem fi kom kom chek im anda di kwaiyat, an fain out fram dem a wa taim dem did si di staar.

Revilieshan 12:4

Im yuuz im tiel an jrag dong wan outa evri chrii staar we iina di skai an fling dem dong a ort. Di jragan tan op infronta di uman we did bout fi av ar biebi, so dat im kuda nyam aaf ar pikni az im baan.

Revilieshan 17:6

Mi si se di uman did jongk. Shi did jringk an get jongk wid Gad piipl dem blod — di wan dem we dem did kil. Dem kil dem kaaz dem did tan op chrang fi wa dem biliiv bout Jiizas. Wen mi si ar, mi fraitn so til.