Matyu 2:13 - Di Jamiekan Nyuu Testiment

¹³ Afta dem go we, wan a di Laad ienjel dem jriim Juozif an se, “Git op! Tek di pikni an im mada an ron we go a Iijip. Tan de til mi tel yu, kaa Erad a-go luk fi di pikni fi kil im.”

Matyu 2:13 Iomraidhean Croise

Matyu 1:20

Jos wen Juozif did a tingk fi du dat, wach ya nou — wan a di Laad ienjel dem no jriim im. Di ienjel se, “Juozif, Dievid pikni, no fried fi tek Mieri an marid ar, kaa di pikni we iina ar beli, a di Uoli Spirit put im de.

Matyu 10:23

Wen piipl iina wan toun mek unu sofa, ron go a wan neks wan. Mek mi tel unu dis, unu naa go chuu aal a di toun dem iina Izrel bifuo di Man we Gad Pik kom bak.

Matyu 2:12

Nou, chuu Gad did don waan dem aaf, an tel dem iina wan jriim se dem no fi go baka Erad, dem tek wan neda wie go baka dem konchri.

Matyu 2:14

So im get op, tek op di pikni an im mada an lef go a Iijip iina di nait.

Matyu 2:16

Wen Erad si se di waiz man dem did chrik im op, im beks til im nieli bos! Im sen out aada, an kil aaf aal a di bwai pikni dem we did iina Betliyem an di plies dem we did de nier Betliyem, aal a di pikni dem we did a tuu ier uol an anda tuu. Im du dat azkaadn tu di taim wen di waiz man did se dem si di staar.

Matyu 2:22

Bot wen im ier se a Erad pikni, Arkelos, tek uova an did a ruul Judiya, im kech im fried an neehn waahn go de-so. An kaa Gad did waan im aaf iina wan jriim, im lef go Gyalalii insted.

Aks 10:22

Di man dem ansa im se, “A Kaaniiliyos, wan ed man fi onjrid suoja sen wi. Aal a di Juu dem tingk im a gud sumadi an dem shuo im nof rispek. Wan a Gad ienjel tel im fi sen fi yu so im kyan ier wa yu av fi se.”

Aks 10:7

Afta di ienjel we taak tu im lef, Kaaniiliyos kaal tuu a im speshal sorvant dem an wan a im suoja we sorv im an we aalwiez worship Gad.

Aks 12:11

A da taim de Piita kom tu imself an se, “Nou mi nuo fi riil se di Laad sen im ienjel an frii mi fram Erad an di sitn dem we di Juu dem did tingk Erad did a-go du tu mi.”

Aks 12:7

Aal av a sodn wan a di Laad ienjel dem tan op infronta Piita an wan brait brait lait shain iina di prizn. Im lik Piita iina im said an wiek im op. Im se, “Git op, kwik!” Siem taim di chien jrap aafa Piita an.

Aks 16:36

Di waadn tel Paal se, “Di ruula dem sen aada fi mi let unu go. So unu frii fi go nou, so gwaan iina piis.”

Aks 5:19

Bot iina di nait wan a di Laad ienjel dem uopm di prizn duor an let out di apasl dem. Di ienjel se,

Aks 7:19

Im tek advaantij a wi faada faada dem an mek dem sofa. Im fuos dem fi fling out dem likl pikni dem outa dem ous so dem wuda ded.

Revilieshan 12:14

Sumadi gi di uman tuu wing laik wan powaful iigl, so shi kuda flai go a di plies we Gad set op fi ar — faar faar we nobadi no liv. A de-so shi a-go get luk aafa fi chrii an a aaf ier, we di jragan kyaahn du ar notn.

Revilieshan 12:4

Im yuuz im tiel an jrag dong wan outa evri chrii staar we iina di skai an fling dem dong a ort. Di jragan tan op infronta di uman we did bout fi av ar biebi, so dat im kuda nyam aaf ar pikni az im baan.

Revilieshan 12:6

Di uman ron we go a wan plies we Gad set op fi ar, faar faar we nobadi no liv. A de-so shi a-go get luk aafa fi wan touzn, tuu onjrid an siksti die.