Matyu 2:12 - Di Jamiekan Nyuu Testiment

¹² Nou, chuu Gad did don waan dem aaf, an tel dem iina wan jriim se dem no fi go baka Erad, dem tek wan neda wie go baka dem konchri.

Matyu 2:12 Iomraidhean Croise

Matyu 1:20

Jos wen Juozif did a tingk fi du dat, wach ya nou — wan a di Laad ienjel dem no jriim im. Di ienjel se, “Juozif, Dievid pikni, no fried fi tek Mieri an marid ar, kaa di pikni we iina ar beli, a di Uoli Spirit put im de.

Matyu 2:13

Afta dem go we, wan a di Laad ienjel dem jriim Juozif an se, “Git op! Tek di pikni an im mada an ron we go a Iijip. Tan de til mi tel yu, kaa Erad a-go luk fi di pikni fi kil im.”

Matyu 2:19

Afta Erad ded, luk ya no: wan a di Laad ienjel dem no jriim Juozif wen im de a Iijip.

Matyu 2:22

Bot wen im ier se a Erad pikni, Arkelos, tek uova an did a ruul Judiya, im kech im fried an neehn waahn go de-so. An kaa Gad did waan im aaf iina wan jriim, im lef go Gyalalii insted.

Matyu 27:19

Wen Pailat de de a sidong iina im speshal siit az joj fi di kies, im waif sen im da mesij ya: “No av notn fi du wid da man de kaa im no du notn rang. Mi av wan bad bad jriim bout im tide. Laaks! It mek mi sofa.”

Luuk 2:26

Di Uoli Spirit did tel im se im naa go ded bifuo im si di Krais we di Laad pramis fi sen kom.

Aks 10:22

Di man dem ansa im se, “A Kaaniiliyos, wan ed man fi onjrid suoja sen wi. Aal a di Juu dem tingk im a gud sumadi an dem shuo im nof rispek. Wan a Gad ienjel tel im fi sen fi yu so im kyan ier wa yu av fi se.”

Aks 4:19

Bot Piita an Jan ansa dem se, “Unu joj fi unuself wa unu tingk it rait fi du iina Gad yai, fi du we unu se, ar fi du we Gad se?

Aks 5:29

Bot Piita an di ada apasl dem se tu dem se, “Wi afi du we Gad se wi fi du, bot wi no afi du wa piipl se wi fi du.

1 Korintiyan 3:19

Kaaz wa dem piipl de se waiz, Gad tek fi fuulinish. It aal rait dong iina Gad wod se, “Di piipl dem we tingk se dem waiz, Gad tek di siem sitn dem we dem tingk waiz an yuuz it ton dem iina fuul.”

Iibruu 11:7

Afta Gad waan Nowa bout di sitn dem we Nowa kudn si yet, a kaaz Nowa chos iina Gad an av nof nof rispek fi im mek im lisn we Gad se an go bil wan big buot fi siev im fambili. Kaaz Nowa did chos iina Gad so, im kot aaf imself fram di piipl dem iina di worl an shuo se dem rang kaa dem no chos iina Gad. Gad se, “Nowa a sumadi we du wa rait” kaaz Nowa chos iina im.

Iibruu 8:5

Dem wok az liida fi di priis dem iina tent we luk laik wa de a evn, bot dem de tent kyaahn riili kom kluos tu di wan we de a evn, nuo sa! Dem de komiin laka sheda fi di riil ting. A so kom Gad did waan Muoziz wen im did bout fi mek di tent fi piipl kom worship im. Gad se, “Mek shuor se yu mek evriting jos laik wa mi shuo yu pan di moutn.”