Matyu 19:9 - Di Jamiekan Nyuu Testiment

⁹ Nou ier we mi a se, enibadi we brok op wid dem waif an go marid sumadi els, an a no se dem waif did sliip wid nobadi els, a gi dem a gi ar bon an a brok dem brok di Laa!”

Matyu 19:9 Iomraidhean Croise

Matyu 19:10

Jiizas speshal falara dem se tu im se, “Bwai ef a so it go bitwiin wan man an im waif, den it beta fi piipl no marid den.”

Matyu 19:8

Jiizas se tu dem se, “Muoziz lou unu fi lef unu waif kaa unu aat did tof! Bot wen Gad did fos mek man an uman a no so tingz did set op.

Matyu 5:32

Bot ier wa mi a se: eni man we brok op wid im waif, an a no laik se shi did a kip man wid im ar a gwaan wid no ada seks sin, ef da uman de go marid wan neks man, a di fos ozban wuda mek shi a liv iina sin kaa nou shi wudaana sliip wid wan neks man. An di man we marid da uman de afta ar ozban lef ar, im a liv iina sin tu, kaa im a sliip wid wan neks man waif.

Luuk 16:18

“Wan man we brok op wid im waif an go marid sumadi els, a brok di Laa, an di man we marid wan uman we brok op wid ar ozban a brok di Laa tu.

1 Korintiyan 5:1

Nou piipl kom tel mi se unu av som piipl mongks unu we a du aal kain-a seks sin. Di sitn dem we dem a du so bad dat no iivn di piipl dem we no nuo Gad wuda du dem. Mi a ier bout ou wan man aal a sliip wid im stepmada.

1 Korintiyan 7:39

Wan uman mos stie marid tu ar ozban az lang az im a liv. Bot ef im ded shi kyan go marid sumadi els bot da man de afi bi wan a Gad pikni.

1 Korintiyan 7:4

Di waif badi a no fi ar uon, ar badi bilang tu ar ozban. A siem so di ozban badi a no fi im uon, im badi bilang tu im waif.