Matyu 18:3 - Di Jamiekan Nyuu Testiment

³ Den im se tu dem se, “Mi tel unu dis ya, an a chuu mi de taak, ef unu no chienj ou unu tan an staat ombl unuself laik pikni, non a unu naa go put unu fut iina Gad kindom.

Matyu 18:3 Iomraidhean Croise

Matyu 13:15

Kaaz dem piipl ya aat get tof, an dem kyaahn lorn notn. Dem aad-iez, an dem yai lak op tu. So dem kyaahn si notn wid dem yai an dem kyaahn ier notn wid dem iez, an dem aat naa andastan notn niida, ar dem wuda ton tu mi, an mi wuda siev dem.’

Matyu 18:2

Jiizas kaal wan pikni an mek im tan op mongks dem.

Matyu 18:4

Bot ef unu ombl unuself laik da lili pikni ya, den a unu a-go bi tap-a-tap iina Gad kindom.

Matyu 19:14

Bot Jiizas se, “Lou di likl pikni dem, mek dem kom tu mi. No chrai tap dem, kaaz Gad kindom a fi piipl we komiin laik dem likl pikni ya.”

Matyu 19:23

Den Jiizas se tu im speshal falara dem se, “Mi tel unu dis an a chuu mi a taak, it a-go wel aad fi rich piipl go iina Gad kindom!

Matyu 5:18

Mek mi tel unu dis, an a chuu sitn mi a taak: evn an ort wuda afi mash op fos bifuo di liklis leta we mek op di Laa, ar iivn wan piis a wan a di leta dem, no miin notn agen. An bifuo dat kyan gwaan, evriting we fi apm, afi apm fos.

Matyu 5:20

Mek mi tel unu sopm, ef unu no du di sitn dem we Gad waahn muo dan di Laa tiicha an di Farisii dem, unu kyaahn ton wan a di piipl dem we Gad ruul uova.

Matyu 6:16

“Wen unu kip we fram fuud fi worship Gad, no bada lang dong unu fies laik di ipokrit dem. Dem ogli op demself so piipl wi si se a faas dem a faas. Mi tel unu dis, an a chuu mi a taak: dem naa notn muo a get.

Matyu 6:2

“So, wen unu a gi we tingz an a du gud fi piipl, no bada mek wan bag a naiz bout it, so evribadi si we ya'a du, jos laik wa di ipokrit dem du wen dem iina di Juu dem choch an outa ruod. Dem du dem sitn de fi mek piipl big dem op. Mek mi tel unu dis, an a chuu mi a taak: dem naa notn muo a get.

Matyu 6:5

“Wen unu a prie, no gwaan laik di ipokrit dem, kaa dem lov tan op an prie iina di Juu dem choch yu no, an pan di kaana outa ruod, so piipl kyan si dem. Mek mi tel unu dis, an a chuu mi a taak: dem don get wa dem fi get aredi, an dem naa notn muo fi get fram faada Gad.

Maak 4:12

so “ ‘Iivn duo dem mait-a a luk an a luk aad aad, dem naa go si notn, an iivn duo dem mait-a a lisn an a lisn gud gud dem naa go andastan wa dem ier, kaaz ef dem did andastan dem wuda ton we fram dem sin an get siev.’ ”

Luuk 13:24

“Chrai unu bes fi go chuu di naro duor. Nof sumadi a-go chrai fi go iin bot naa go get iin.

Luuk 22:32

Bot mi prie fi yu, Saiman, so yu no tap biliiv. An wen yu chos iina mi muo agen, elp yu breda dem fi chos iina mi tu.”

Jan 1:51

Den im se, “Mi a tel unu fi chuu chuu se unu gweehn si di skai uopm op, an unu a-go si Gad ienjel dem a go op iina evn an a kom dong pan di ort tu di Man we Gad Pik.”

Jan 3:3

So, Jiizas se tu im se, “Fi chuu chuu, mi a tel yu se nobadi kyaahn tek paat iina Gad kindom ef dem no baan agen.”

Jan 3:5

Jiizas ansa im an se, “Fi chuu chuu, mi a tel yu se nobadi kyaahn tek paat iina Gad kindom ef dem no baan uova da taim ya iina waata an iina di Spirit.

Aks 14:22

a elp di piipl dem we biliiv iina Jiizas fi get chrang iina wa dem biliiv. Dem tel dem fi eng aan pan di chuut we dem biliiv bout Jiizas. Dem tel dem se, “Wi afi go chuu nof sofarieshan fi get iina Gad kindom.”

Aks 28:27

Kaaz dem piipl ya blak dem main, brok tik iina dem iez, an lak dem yai dem, so dem kyaahn si wid dem yai dem, ar ier wid dem iez dem an andastan wid dem main, an ton we fram wa rang, an mi wuda iil dem.’

Aks 3:19

So ton we fram unu sin, beg Gad paadn an kom bak tu im, so dat im wi tek we unu sin dem.

1 Korintiyan 14:20

Breda an sista no tingk laik se unu a pikni, unu fi tingk laik se unu a big piipl. Onggl gwaan laik pikni wen it kom tu wikidnis kaaz pikni no du no iip a wikid sitn.

1 Piita 2:2

An jos laik ou yong biebi no waahn notn bot dem mada milk, a siem so unu fi wel waahn Gad wod — dat a fi unu milk. Da wie de, unu naa go jos get siev an a it dat, bot unu wi gruo,

2 Piita 1:11

Da wie ya, Gad wi uopm op waid waid tu unu di duor fi di kindom a wi Laad an Sieviya Jiizas Krais — di kindom we a-go laas fi eva an eva. An im a-go gi unu aal rait fi go iin de.