Matyu 16:3 - Di Jamiekan Nyuu Testiment

³ Bot ef it red an daak op iina di maanin, unu se, ‘Rien a-go faal tide, kaa di plies daak op.’ So unu nuo fi luk pan di skai an tel ou di weda a-go tan. Bot unu kyaahn andastan di sain dem we a shuo aal we a gwaan nou.

Matyu 16:3 Iomraidhean Croise

Matyu 11:5

Di blain kyan si nou; kripl piipl a waak; piipl we av siknis we mek dem skin fasi-fasi, dem skin kom bak gud gud, def piipl a ier nou, ded a kom bak alaiv, an di gud nyuuz a priich tu puo piipl.

Matyu 15:7

Unu oul ipokrit unu! Di prafit, Aizaiya, did rait wen im se,

Matyu 22:18

Bot Jiizas did si se a bie wikidnis did iina dem aat, so im se, “Unu set a ipokrit unu! We unu a tes mi fa?

Matyu 23:13

“Bot yu si aal dem Laa tiicha ya an di Farisii piipl dem, chobl fu'unu! Uol ipokrit! Unu shot Gad kindom iina piipl fies! Unu no go iin de, an unu naa lou piipl we a chrai fi go iin de, fi go iin.

Matyu 4:23

Da taim de, Jiizas did go aal uova Gyalalii a tiich iina di Juu dem choch. Im did a priich di gud nyuuz bout Gad kindom an a get piipl beta — piipl we av aal kain-a siknis an we sik iina aal saat a wie.

Matyu 7:5

Unu ipokrit unu! Fos unu fi tek out di plangk outa fu'unu yai. Da wie de nou, unu kyan si gud fi tek di lili piis a saados outa unu breda ar sista yai.

Luuk 11:44

“Chobl fi unu, kaaz unu komiin laik griev wa piipl waak pan an no nuo se it de de, chuu dem no av no maak pan dem.”

Luuk 12:56

“Ipokrit! Unu kyan tel di weda wen unu luk pan wa gwaan roun unu an wen unu luk op iina di skai bot ou kom unu kyaahn andastan wa a gwaan iina dis ya taim ya?

Luuk 13:15

Di Laad tel im se, “Unu tuu-fies! Unu no luus unu kou ar dangki fram di staal an liid dem out fi waata pan di Sabat?

Iibruu 5:14

Bot aad fuud a fi big piipl kaaz dem chrien demself fi nuo wa rait fram rang, so dem nuo ou fi luk pan tingz.