Matyu 14:3 - Di Jamiekan Nyuu Testiment

³ Kaaz a Erad did ares Jan, chien im op an dash im iina prizn siek-a Eruodiyas, we did marid wan taim tu im breda, Filip.

Matyu 14:3 Iomraidhean Croise

Matyu 11:2

Nou wen Jan de iina prizn an ier bout di sitn dem we Krais Jiizas did a du. Jan sen som a im falara dem

Matyu 14:6

Bot a Erad bortdie paati, Eruodiyas daata did daans fi Erad an im ges dem an dat did mek im api.

Matyu 4:12

Nou wen Jiizas ier se dem lak op Jan, im lef go a Gyalalii.

Maak 6:14

King Erad did ier bout aal wa Jiizas did a du, kaaz evribadi did nuo bout Jiizas. Som a di piipl dem did a se, “Im a Jan di Baptis kom bak alaiv, so a dat mek im av powa iina im fi wok mirikl.”

Maak 6:17

Kaaz Erad did mek im suoja dem ares Jan an lak im op iina prizn. Im du dat siek-a Eruodiyas, im breda Filip waif, we im did tek we an marid.

Maak 6:19

So Eruodiyas kyari bad beli fi Jan an did waahn kil im. Bot shi neva get di chaans

Maak 6:22

Eruodiyas daata daans fi Erad an im ges dem. Dem did wel api wid ou shi daans. So Erad se tu ar se, “Aks mi fi eniting we yu waahn an mi wi gi yu.”

Maak 8:15

So Jiizas tel dem se, “Wach out! Gyaad unuself gens di Farisii dem an Erad yiis.”

Luuk 13:1

Bout di siem taim, som piipl did de de we tel Jiizas bout ou Pailat tek di Gyalaliiyan dem blod an mek it miks op wid di blod a di animal dem we dem did kil fi bon sakrifais.

Luuk 13:31

Siem taim som Farisii kom tu Jiizas an se, “Lef da plies ya an go a wan neda wan. Erad waahn fi kil yu.”

Luuk 23:11

Afta Erad an im suoja dem laaf aafa Jiizas an tek im mek preke, dem jres im op iina wan priti ruob, an sen im go baka Pailat.

Luuk 23:7

Az im fain out se Jiizas de anda Erad ruul, im sen Jiizas go a Erad, we did iina Jeruusilem dem taim de.

Luuk 3:1

A fiftiin ier nou Taibiiriyos did a Ed Ruula iina Ruom, im did av Ponchos Pailat a ron Judiya, Erad Antipas a ron Gyalalii, im breda Filip a ron Aituuriya an Chrakonaitis an Lizaniya did a ron Abiliin.

Luuk 8:3

Jowana, Kuuza waif, (Kuuza did inchaaj a aal a di sitn dem we bilang tu Erad), Suuzana, plos nof ada uman. Aal dem uman ya did a yuuz wat-eva dem av fi elp sopuot Jiizas an im speshal falara dem.

Aks 12:1

Roun dem taim de, King Erad gi aada fi ares som a di choch piipl dem. Im du dat kaaz im did plan fi mek dem sofa aad aad.

Aks 4:27

Wi nuo fi shuor se a so it go, kaaz Erad, Ponchos Pailat, piipl we a no Juu, an di Izrel piipl miit op iina da siti ya an plan fi kil Jiizas, yu sorvant we uoli.