Matyu 11:1 - Di Jamiekan Nyuu Testiment

¹ Wen Jiizas don tel im twelv falara dem wa fi du, im lef de-so an staat tiich an priich iina dem toun.

Matyu 11:1 Iomraidhean Croise

Matyu 28:20

Gwaan go tiich dem fi lisn an fala aal a di ruul dem we mi gu'unu. An memba, mi no lef unu non at aal, mi de wich paat unu de til taim don.”

Matyu 4:23

Da taim de, Jiizas did go aal uova Gyalalii a tiich iina di Juu dem choch. Im did a priich di gud nyuuz bout Gad kindom an a get piipl beta — piipl we av aal kain-a siknis an we sik iina aal saat a wie.

Matyu 7:28

Wen Jiizas did don se dem sitn ya, di piipl dem did shak tu ou im tiich.

Matyu 9:35

Den Jiizas go bout iina aal a di toun an dischrik dem a tiich iina di Juu dem choch, a priich di gud nyuuz bout Gad kindom an a get piipl beta we av aal kain-a siknis an a sofa fram aal saat a kraasiz.

Maak 6:12

So dem lef an staat fi priich se evribadi fi ton we fram dem sin an ton tu Gad.

Luuk 23:5

Bot dem stil a push, “Im rail op di piipl aal uova Judiya wid we im tiich. Im staat iina Gyalalii an kom aal di wie op ya-so wid it.”

Luuk 8:1

Afta dat, Jiizas chravl fram toun tu toun an dischrik tu dischrik, a priich di gud nyuuz bout Gad kindom. Aal dem taim de, di twelv did a go roun wid im.

Jan 15:10

Ef unu du wa mi tel unu fi du den unu naa go ton we fram di lov mi av fi unu, siem laka ou mi du wa mi Faada tel mi fi du an no ton we fram di lov we im av fi mi.

Jan 15:14

Ef unu du wa mi tel unu fi du den mi an unu a fren.

Aks 1:2

til di die im get tek op iina evn. Dat a did afta Jiizas yuuz di Uoli Spirit fi tel im apasl dem we im did pik, wa im waahn dem fi du.

Aks 10:38

Unu nuo ou Gad did gi Jiizas we kom fram Nazaret im Uoli Spirit an powa. Jiizas go aal bout a du gud sitn, an aal a di piipl we di devl did kanchuol, Jiizas frii dem kaaz Gad did de wid im.

Aks 10:42

Jiizas aada wi fi priich tu di piipl an fi mek dem nuo se a im a di wan we Gad pik fi joj piipl we a liv an piipl we ded.

1 Tesaluoniyan 4:2

Kaaz unu nuo se wa wi tel unu fi du, a dat di Laad Jiizas se unu fi du.

2 Tesaluoniyan 3:10

Kaaz aal wen wi did de mongks unu, wi did gi unu da ruul ya, “Ef sumadi no waahn wok no mek dem nyam.”

2 Tesaluoniyan 3:6

Nou, breda an sista, iina wi Laad Jiizas Krais niem, wi a tel unu, kip we fram enibadi we se dem biliiv bot no waahn wok, an we naa waak laik ou wi tel unu fi waak.

1 Timoti 6:14

fala aal a di sitn dem we mi tiich yu. Du dis so nobadi kyaahn se notn bad bout yu. Fala dem til di die wen wi Laad Jiizas kom bak.