Matyu 10:7 - Di Jamiekan Nyuu Testiment

⁷ Wen unu a go roun tu dem, unu fi priich da mesij ya: ‘Evn suun ruul uova di worl iina evri wie.’

Matyu 10:7 Iomraidhean Croise

Matyu 10:8

Get sik piipl beta, mek ded piipl kom bak alaiv, piipl we av siknis we mek dem skin fasi-fasi — mek dem skin get bak kliin, an ron out diiman spirit tu. Unu get tingz an unu neehn afi gi notn, nou gi an no luk fi get bak notn.

Matyu 11:1

Wen Jiizas don tel im twelv falara dem wa fi du, im lef de-so an staat tiich an priich iina dem toun.

Matyu 21:31

“So tel mi, wich wan a dem du wa im faada waahn?” Dem se, “Di fos wan.” So Jiizas se tu dem se, “Mi tel unu dis, an a chuu mi a taak, taks kalekta an seks woka a-go go iina Gad kindom bifuo unu!

Matyu 21:43

“A dat mek mi tel unu se Gad kindom a-go tek we fram unu an gi di piipl dem we a-go bier fruut.

Matyu 23:13

“Bot yu si aal dem Laa tiicha ya an di Farisii piipl dem, chobl fu'unu! Uol ipokrit! Unu shot Gad kindom iina piipl fies! Unu no go iin de, an unu naa lou piipl we a chrai fi go iin de, fi go iin.

Matyu 3:2

Im se, “Ton we fram unu sin, kaa di die suun kom wen evn a-go ruul uova di worl iina evri wie!”

Matyu 4:17

Fram da taim de, Jiizas staat priich da mesij ya: “Ton we fram unu sin an chienj unu wiez, kaa di die suun kom wen evn a-go ruul uova di worl iina evri wie!”

Maak 6:12

So dem lef an staat fi priich se evribadi fi ton we fram dem sin an ton tu Gad.

Luuk 16:16

“Bifuo Jan kom piipl did afi fala Muoziz Laa an wa di prafit dem rait dong. Bot sins im kom an di gud nyuuz bout Gad kindom a priich siem wie, evribadi a fait fi get iin de.

Luuk 9:2

Im sen dem out fi tel piipl bout Gad kindom an fi kyuor di sik.

Luuk 9:6

So Jiizas apasl dem chravl fram dischrik tu dischrik, a priich di Gud Nyuuz an a kyuor piipl.

Luuk 9:60

Bot Jiizas tel im se, “Mek di ded galang go beri uu ded fi dem, bot yu, yu fi go tel piipl bout Gad kindom.”

Jan 3:2

Im go luk fi Jiizas wan nait an se tu im se, “Tiicha, wi nuo se a Gad sen yu fi kom tiich, kaa nobadi kyaahn wok di mirikl dem we yu wok, ef a no Gad a kaaz dem fi dwi'it.”

Aks 10:25

Wen Piita go iina di ous, Kaaniiliyos miit im a di duor an jrap a im fut fi worship im.

Aks 28:31

an priich tu dem bout Gad kindom an tiich dem bout di Laad Jiizas Krais. An im neva fried fi tiich bout di Laad Jiizas an notn neva de de fi tap im.

Aks 4:2

Dem did wel beks kaaz di apasl dem did a tiich di piipl se Jiizas did ded an kom bak alaiv. An dem yuuz dat fi shuo se ded piipl a-go kom bak alaiv tu.