Matyu 1:1 - Di Jamiekan Nyuu Testiment

¹ Dis a di lis a Krais Jiizas faada faada dem go bak. Jiizas did kom fram Dievid an Iebriyam fambili.

Matyu 1:1 Iomraidhean Croise

Matyu 1:18

Dis a ou Jiizas Krais did baan. Im mada Mieri did jos ingiej fi marid Juozif, dem neehn kom liv tugeda yet laik ozban an waif, bot dem fain se shi did av biebi iina beli, an a di Uoli Spirit did put di biebi de.

Matyu 1:2

Iebriyam did a Aizak faada, an Aizak did a Jiekob faada, Jiekob pikni dem a did Juuda an Juuda breda dem.

Matyu 15:22

Outa di bluu wan Kienanait uman we did liv iina da ieriya de kom kom a baal out, “Laad, Dievid pikni, tek piti pan mi du! Mi daata ful op a diiman bad bad sa.”

Matyu 3:16

Az Jiizas don baptaiz so, wen im a kom op outa di waata, aal av a sodn evn uopm op an im si Gad Spirit a kom dong pan im laka wan dov.

Matyu 9:27

Wen Jiizas did a lef de-so, tuu blain man did staat fala im an did a baal out, “Dievid pikni! Tek piti pan wi!”

Luuk 1:33

An im aalwiez a-go ruul uova Jiekob piipl, Izrel; an im a-go ruul fi eva an eva.”

Jan 7:42

Gad wod no se dat di Krais gweehn kom fram Dievid fambili an fram outa Betliyem, di toun we Dievid did liv?”

Aks 2:30

Im a did wan prafit an im did nuo se Gad did pramis im se im a-go mek wan a im pikni sidong pan im chuon.

Ruoman 1:3

Da Gud Nyuuz ya a bout im Bwai Pikni we kom fram Dievid fambili.

Ruoman 4:13

Gad did pramis Iebriyam se di worl wuda bilang tu im an im pikni dem. Gad neva mek im da pramis de kaaz im did a fala di Laa, bot kaaz Iebriyam did biliiv iina Gad an Gad did mek tingz rait bitwiin di tuu a dem.

Ruoman 9:5

Di Izrel piipl, dem a di pikni fi di uol taim liida dem — di liida dem we Gad did pik an we a did di ed fi di difrant difrant chraib dem. A fi dem fambili Krais Jiizas kom fram. Mek evribadi priez Gad, Gad we ruul uova evriting, fi eva an eva. Iemen!

Gyalieshan 3:16

Nou di pramis we Gad mek tu Iebriyam, a did fi Iebriyam an im pikni. Gad wod neva se a nof piipl — it neva se “an tu im pikni dem.” Wa rait dong iina Gad wod a “tu im pikni.” A wan sumadi it a taak bout, an da sumadi de a Krais Jiizas.

1 Timoti 2:5

Kaaz a onggl wan Gad de bout, an Jiizas Krais a di migl man, di onggl wan we kyan bring Gad an piipl tugeda.

2 Timoti 2:8

Memba uu Krais Jiizas bi. Jiizas a di wan we Gad bring bak fram di ded an we kom fram di siem fambili we Dievid kom fram. Dat a di mesij we mi tiich.

Revilieshan 22:16

“A mi, Jiizas, sen mi ienjel kom tel yu dem sitn ya fi tel di choch dem. Mi a di wan we kom fram King Dievid fambili — Mi a di wan we komiin laik di brait staar we shain wen di son a kom op a maanin taim.”