Maak 9:12 - Di Jamiekan Nyuu Testiment

¹² Jiizas ansa dem se, “Ilaija kom fi chuu fi get evriting pan chrak. Bot wa mek unu tingk it rait dong se di Man we Gad Pik gweehn afi go chuu nof sofarieshan an piipl a-go chriit im laik se im a no nobadi?

Maak 9:12 Iomraidhean Croise

Matyu 16:21

Fram da taim de, Jiizas staat mek im falara dem nuo se im afi go a Jeruusilem, an di elda, ed priis an Laa tiicha dem a-go mek im sofa uol iip a sitn. Dem a-go kil im, bot chrii die afta dat im a-go kom bak alaiv.

Matyu 26:24

Di Man we Gad Pik mos go siem ou Gad wod se im a-go go, bot yu si di man we sel im out — chobl fi'im mi tel yu! Im wuda betaraaf ef im neehn baan.”

Maak 10:33

Im se, “Luk ya no, wi a go op a Jeruusilem an dem a-go tek di Man we Gad Pik an ton im uova tu di ed priis an di Laa tiicha dem. Dem a-go joj im an se im gilti an fi ded, an dem a-go ton im uova tu di piipl we a no Juu.

Maak 9:13

Bot mi a tel unu, Ilaija kom aredi, an som piipl du im aal wa dem did waahn fi du im, jos laik ou it rait dong se dem wuda du im.”

Maak 9:31

kaaz im did a tiich im falara dem. Im tel dem se, “Sumadi a-go sel out Di Man we Gad Pik an gi im uova tu piipl we iet im. Dem a-go kil im, bot chrii die afta dat, im a-go kom bak alaiv.”

Luuk 1:76

Mi pikni Jan, piipl a-go kaal yu wan prafit fi di Muos Ai, kaaz yu a-go gwaan bifuo im til im kom an get im piipl redi fi'im;

Luuk 23:11

Afta Erad an im suoja dem laaf aafa Jiizas an tek im mek preke, dem jres im op iina wan priti ruob, an sen im go baka Pailat.

Luuk 23:39

Wan a di kriminal dem we did eng op saida Jiizas, staat kos im se, “Yu a no di Krais? Siev yuself an siev wi tu!”

Aks 1:6

So wen dem kom tugeda, dem aks im se, “Laad, a nou yu a-go kaaz di Izrelait dem fi ruul agen?”

Aks 4:11

Jiizas a “ ‘di rakstuon we unu, di bilda, did fling we an we nou a di wan we a uol op di bildin.’