Maak 9:1 - Di Jamiekan Nyuu Testiment

¹ Den im se tu dem se, “Mi a tel unu dis, an a chuu mi a taak, som a unu we tan op ya-so naa go ded bifuo di taim kom wen unu si Gad a ruul iina wan powaful wie.”

Maak 9:1 Iomraidhean Croise

Matyu 16:28

Mi a tel unu dis, an a chuu mi a taak, som a unu we tan op ya-so naa go ded bifuo unu si di Man we Gad Pik a kom ruul az king.”

Matyu 24:30

“Den, yu av sitn we mek evribadi nuo se di Man we Gad Pik a kom, piipl a-go si da sitn de op iina di ier, an piipl fram aal uova a-go staat baal. Dem a-go si di Man we Gad Pik a kom pan kloud we kom outa evn, an im a-go av powa, an wan brait brait lait we kom fram Gad a shain roun im.

Matyu 25:31

“Wen di Man we Gad Pik kom wid di powa we im av kaa im a king, an aal a di ienjel dem kom wid im, im a-go sidong pan im tap-a-tap chuon.

Maak 13:26

“Den evribadi wi si di Man we Gad Pik a kom iina di kloud dem an im a-go av powa an wan brait brait lait a shain roun im.

Maak 13:30

Mi a tel unu dis an a chuu mi a taak, di piipl we a liv iina dem taim ya naa go ded til aal a dem sitn ya apm.

Luuk 2:26

Di Uoli Spirit did tel im se im naa go ded bifuo im si di Krais we di Laad pramis fi sen kom.

Luuk 22:18

Mi a tel unu dis mi naa go jringk wain agen, til Gad kindom kom.”

Luuk 22:30

so unu kyan nyam an jringk a mi tiebl iina mi kindom, sidong pan chuon, an joj Izrel twelv chraib dem.

Luuk 9:27

Mi a tel unu dis, an a chuu mi a taak, som a unu we tan op ya-so naa go ded bifuo di taim kom wen unu si Gad a ruul.”

Jan 21:23

So siek-a Jiizas se so, it did a go roun mongks di breda an sista dem se da falara ya neehn a-go ded. Bot a no dat Jiizas did se, im se, “Ef mi waahn im fi liv til mi kom bak, wa mek dat a bada yu?”

Iibruu 2:9

Wa wi si ya nou a Jiizas. Fi wan likl wail im did de luo dong dan di ienjel dem, bot nou im av powa. Nou Gad riez im op ai ai laik a wan kroun im put pan im ed. Im av powa an Gad riez im op ai ai kaaz im sofa an ded. An kaaz Gad lov wi so moch iivn duo wi no dizorv it, im mek Jiizas ded fi evribadi.