Maak 8:2 - Di Jamiekan Nyuu Testiment

² “Mi sari fi dem piipl ya. A uol a chrii die nou dem de ya wid mi, an dem naa notn fi nyam.

Maak 8:2 Iomraidhean Croise

Matyu 14:14

Wen Jiizas kom outa di buot, im si di iip a piipl dem, an did fiil sari fi dem an im mek aal a uu did sik fi dem get bak beta.

Matyu 20:34

Jiizas fiil sari fi dem an toch dem yai — Braps! Dem yai get beta an dem kuda si, an di man dem fala Jiizas.

Matyu 9:36

Wen im si di kroud a piipl dem, im did sari fi dem, kaa aal saat a sitn did a bada dem, dem did kanfyuuz an dem kudn elp demself. Dem did komiin laik shiip we naa nobadi fi tek kier a dem.

Maak 1:41

Jiizas fiil sari fi di man, so im chrech out im an an toch im an se, “Mi waahn yu fi get kliin. Gwaan, yu beta nou!”

Maak 5:19

Bot Jiizas neva mek im go wid im. Insted-a dat, im se tu im se, “Go a yu yaad, go tu yu uona piipl dem an tel dem aal wa di Laad du fi yu. Tel dem ou im gud an kain tu yu.”

Maak 6:32

Den dem lef iina wan buot fi go a wan plies we nobadi no de.

Maak 6:34

Wen Jiizas kom outa di buot, im si di big big kroud a piipl pan di sii-said an im fiil sari fi dem, kaaz dem did komiin laik shiip we no av no shepad fi luk aafa dem. So im tiich dem nof sitn.

Maak 8:3

Som a dem liv faar faar fram ya-so. Ef mi sen dem we onggri dem mait-a jrap dong a ruod.”

Maak 9:22

Uol iip a taim di diiman fling im iina faiya an iina waata fi kil im. Bot ef yu kyan du notn fi'im, tek piti pan wi an elp wi, du.”

Luuk 15:20

So im get op an go a im faada. Im did stil faar fram im yaad wen im faada si im an fiil sari fi im. Im faada ron go og im op an kis im.

Luuk 7:13

Wen di Laad si ar, im sari fi ar an tel ar se, “Osh! No bada baal!”

Iibruu 2:17

So siek-a aal a dem sitn de nou, im did afi ton laik im breda an sista dem we de pan ort. Im did afi ton laik dem iina evri wie. Da wie de, az Gad elpa, im kuda ton wan liida fi di priis dem we Gad kyan chos, an im wi gud an kain tu piipl kaaz im andastan we dem a go chuu. An im kuda kom tek we di piipl dem sin tu.

Iibruu 4:15

Kaaz wi no av wan liida fi di priis dem we kyaahn andastan we wi a go chuu, an we no nuo se wi no so chrang wen wi fies notn we wi kaaz wi fi sin. Insted-a dat wi av wan we did get presha fi du aal kain-a rang sitn tu, siem laka wi — bot im neehn sin.

Iibruu 5:2

Kaaz di liida fi di priis dem a piipl tu, im wi nuo ou fi tek taim wid piipl we no nuo beta an a du rang, sins im wiik an wi du rang tu.