Maak 7:9 - Di Jamiekan Nyuu Testiment

⁹ An im se, “Unu tingk unu so sumaat dat unu ton unu bak pan we Gad se unu fi du an se it no mata, so dat unu kyan fala wa unu faada faada dem se unu fi du.

Maak 7:9 Iomraidhean Croise

Maak 7:13

So unu yuuz di sitn dem we unu faada faada dem se, fi mek Gad wod komiin laik se it no miin notn. An unu du nof muo sitn laik dat.”

Maak 7:3

Kaaz di Farisii dem, az a matarafak, aal a di Juu dem, no nyam til dem wash dem an kaaz dem did fala aad aad di wie ou dem faada faada dem yuus tu liv.

Maak 7:5

Di Farisii dem an di Laa tiicha dem aks Jiizas se, “Mek yu falara dem no du wa wi faada faada dem tiich wi fi du — a nyam an no wash dem an?”

Ruoman 3:31

So wa dat miin fi di Laa? Ef Gad onggl mek tingz rait bitwiin im an piipl wen dem biliiv, dat miin se di Laa no wot notn? Nuo notn no go so! Wen wi biliiv iina Gad wi a shuo se di Laa riili wot sopm, a da taim de wi riili a fala di Laa.

2 Korintiyan 11:4

Kaaz wi tel unu bout Jiizas an unu tek di Uoli Spirit we Gad gi unu an unu biliiv di mesij we wi priich. Bot mek sumadi nyuu kom an tel unu bout wan difrant Jiizas an unu redi fi lisn an tek di spirit we dem a gi an biliiv di mesij we dem a priich.

Gyalieshan 1:14

Dem die de, mi did wie a'ed a di ada Juu dem we a did di siem iej laik mi. Kaaz mi did a fala di sitn dem we wi faada faada dem kom dong did tiich. An mi fala it muor dan di uol a dem.

Gyalieshan 2:21

Mi naa go ton mi bak pan Gad lov an ou kain im bi tu mi, kaaz ef sumadi kyan onggl mek tingz rait wid Gad ef im fala di Laa, den Krais Jiizas ded fi notn.

2 Tesaluoniyan 2:4

Im a-go fait gens eniting an enibadi we piipl kaal gad, an eniting we dem worship. An im a-go put imself aiya dan dem. Im a-go aal tek siit iina Gad ous an kliem se im a Gad.