Maak 7:2 - Di Jamiekan Nyuu Testiment

² An dem si se som a Jiizas falara dem nyam dem fuud an dem neva wash dem an.

Maak 7:2 Iomraidhean Croise

Matyu 15:2

“Wa mek yu falara dem no ier wa wi faada faada dem tiich wi fi du? Kaaz dem no wash dem an bifuo dem nyam.”

Maak 7:5

Di Farisii dem an di Laa tiicha dem aks Jiizas se, “Mek yu falara dem no du wa wi faada faada dem tiich wi fi du — a nyam an no wash dem an?”

Luuk 11:38

Di Farisii shak fi si se Jiizas no wash im an dem bifuo im staat iit (kaaz dis a sitn we di Farisii dem du kaaz dem tingk dat wi mek dem rait wid Gad).

Aks 10:28

So Piita se tu dem, “Aal a unu nuo se azkaadn tu di Juu dem Laa, it no rait fi wan Juu av notn fi du wid piipl we a no Juu, ar fi go a dem yaad. Bot Gad shuo mi se mi no fi luk pan nobadi an tingk se dem no kliin ar se it rang fi mi kip kompni wid dem.

Aks 11:8

“An mi ansa im se, ‘Uu mi? Nuo Laad, ou mi fi du dat? Mi neva nyam non a dem de sitn de we di Laa se yu no fi nyam kaaz dem no kliin.’

Ruoman 14:14

Mi an Jiizas a wan an so mi nuo fi shuor se no fuud no de we rang fi mi iit. Bot ef sumadi riili biliiv se it rang fi dem iit sopm, den it wuda rang fi dem iit it.

Iibruu 10:29

So a umoch wos Gad fi ponish sumadi we chrampl op pan im Bwai Pikni, an we chriit Jiizas blod laik se it chiip, wen a it yuuz fi set op di nyuu plan we Gad mek? An a it yuuz fi tek we da siem sumadi de sin. Umoch wos im ar shi fi get ponish wen dem taak gens di Uoli Spirit we shuo wi wan kain-a lov we wi no iivn dizorv — iihn, umoch wos?

Revilieshan 21:27

Notn we no kliin, nobadi we du wikid an torbl naasinis, an nobadi we tel lai kyan go iina di siti. Onggl di piipl dem uufa niem rait dong iina di buk we di Biebi Shiip av kyan go iin de. A iina da buk de Gad rait dong di niem a di piipl dem we a-go liv fi eva an eva.