Maak 6:3 - Di Jamiekan Nyuu Testiment

³ A uu im, no di kyaapinta dis? No Mieri bwai? An wi no nuo im breda dem: Jiemz, Juozif, Juudas an Saiman? An im sista dem no liv ya wid wi?” An so dem did beks an neehn waahn diil wid Jiizas non at aal.

Maak 6:3 Iomraidhean Croise

Matyu 11:6

Gad bles di piipl dem we no tap chos iina mi jos kaa mi no gwaan ou dem tingk di wan we dem a wiet pan fi gwaan.”

Matyu 12:46

Wen Jiizas did de de a chat tu di kroud a piipl dem, im mada an breda dem kom tan op outsaid a aks fi chat tu im.

Maak 15:40

Som uman did tan op forda out a wach wa a gwaan. Uman laik Mieri Magdaliin, Mieri we a Jiemz an Juozif mada (Jiemz did yongga dan Juozif), an Saluomi did de de tu.

Maak 3:18

Anju, Filip, Bartalimyuu, Matyu, Tamas, Jiemz Alfiyos bwai, Tadiyos, Saiman di Zelat,

Luuk 2:34

Simiyan bles dem an tel Mieri se, “Dis ya pikni ya baan fi bring dong jojment an fi bles uol iip a piipl iina Izrel tu. Im a-go bi wan sain fram Gad bot piipl a-go fait gens im.

Luuk 7:23

Gad bles di piipl dem we no tap chos iina mi jos kaaz mi no gwaan ou dem tingk di wan we dem a wiet pan fi gwaan.”

Luuk 8:20

So sumadi tel Jiizas se, “Yu mada an breda dem tan op outa duor a wiet fi si yu.”

Jan 14:22

Den Juudas — no Juudas Iskyariyat nou, wan neks man we niem Juudas tu — aks im se, “Bot, Laad, wa mek wi a-go kyan si yu, bot yu naa go mek di worliyan dem si yu?”

Jan 6:42

Dem se tu dem wan aneda se, “A no Jiizas, Juozif bwai pikni, dis ya? A no fi'im mada an faada wi nuo? So ou den im a taak bout se, ‘Mi kom dong fram outa evn’?”

Aks 1:13

Wen dem kech a Jeruusilem, dem go opstiez go a di ruum we dem did a stie. Piita, Jan, Jiemz an Anju; Filip an Tamas, Bartalimyuu an Matyu; Jiemz, Alfiyos bwai pikni, Saiman we niem Zelat, an Juudas, Jiemz bwai pikni, aal a dem did de de.

Aks 12:17

So Piita mek wan sain wid im an an se, “Shhh, tap unu naiz!” Den im tel dem ou di Laad Gad sen wan a im ienjel an frii im outa prizn. Im se, “Tel Jiemz an di ada breda dem bout wa apm.” Afta dat im lef an go a wan neda plies.

1 Korintiyan 1:23

Bot yu si wi, wi priich bout ou Krais Jiizas ded pan di kraas fi siev wi. Di Juu dem beks enitaim dem ier da mesij ya an di piipl dem we a no Juu tingk se a fuulinish wi a taak.

1 Korintiyan 9:4

Unu no tingk se wi av di rait fi get fuud an jringks fi di wok we wi du?

Gyalieshan 1:19

Wen mi de de mi si Jiemz, di Laad breda, bot mi neva si non a di ada apasl dem.

1 Piita 2:4

Wen unu a kom tu di Laad, a wan stuon we a liv unu a kom tu. Im a laik wan stuon we a liv we piipl did ton dem bak pan an se naa no yuus, bot wan we Gad pik an we wot uol iip tu Gad.

Juud 1:1

Da leta ya a kom fram mi, Juud. Mi a wan a Jiizas Krais sliev an Jiemz breda. Mi a rait aal a unu we Faada Gad pik fi bi fi im uon, we im lov, an we Jiizas Krais kip sief.