Maak 4:7 - Di Jamiekan Nyuu Testiment

⁷ Som ada siid jrap mongks makabush, an wen dem pap op di makabush chuok dem. So dem neva bier notn.

Maak 4:7 Iomraidhean Croise

Matyu 13:22

Di wan we jrap iina makabush, a uu ier Gad wod bot im staat fret bout laif, an aal im kyan tingk bout a ou fi mek moni an get rich. Dem sitn de blak Gad wod, so it no du notn difrant iina dem laif.

Matyu 13:7

Som ada siid jrap mongks makabush, an wen dem pap op, di makabush chuok dem.

Matyu 13:8

Bot som a di siid dem jrap pan gud grong an kom bier fuud. Som bier wan onjrid taim muo dan wa di faama did plaant, som siksti an som toti.”

Maak 4:6

Wen di son kom op, it skaach op di plaant dem, an, chuu dem ruut neehn lang inof, dem jrai op an ded.

Maak 4:8

Bot som a di siid dem jrap pan gud grong, an kom bier fuud. Som bier toti an siksti an iivn onjrid taim muo dan wa di faama did plaant.”

Luuk 12:15

Den im tel dem se, “Wach out! Unu fi gyaad gens aal kain-a red yai, kaaz laif no jos bout umoch sitn wi uon.”

Luuk 21:34

“Wach out an no spen di uol a unu taim a nyam an jringk, an a fret bout laif, ar da die de a-go kriip op an kech unu laik wan chrap.

Luuk 8:14

Di wan dem we jrap iina makabush, a di piipl we ier Gad wod, bot dem staat fret bout laif an aal dem kyan tingk bout a ou fi mek moni an ou fi enjai demself. Dem mek dem sitn de chuok dem so dem no bier no raip fruut.

Luuk 8:7

Ada siid jrap mongks makabush, an wen dem pap op, di makabush chuok dem.