Maak 4:5 - Di Jamiekan Nyuu Testiment

⁵ Som jrap we bie rakstuon de. Dem neehn av moch dot fi gruo iina. Nou, kaaz no uol iip a dot neehn de de, di ruut kudn go dong diip diip so di plaant dem kom op faas faas.

Maak 4:5 Iomraidhean Croise

Matyu 13:20

Di siid we jrap wich paat bier rakstuon de, a di sumadi we ier di wod an glad fi it siem taim.

Maak 4:4

An wen im did a plaant, som a di siid dem jrap wich paat piipl waak, an di bod dem kom kom nyam dem op.

Maak 4:6

Wen di son kom op, it skaach op di plaant dem, an, chuu dem ruut neehn lang inof, dem jrai op an ded.

Luuk 8:13

Di siid dem we jrap pan di grong we bier rakstuon de, a piipl we glad fi Gad wod, biliiv Gad wod fi likl bit, bot siem laik di plaant dem uufa ruut no go dong diip iina di grong, dem no mek Gad wod go diip iina dem aat. Dem biliiv fi likl bit, bot wen taim kom fi dem get tes, dem ton bak — siem laik ou di plaant jrai op an ded.

Luuk 8:6

Som jrap pan rakstuon, an wen dem staat gruo, dem kudn get no waata so dem jrai op an ded.