Maak 4:41 - Di Jamiekan Nyuu Testiment

⁴¹ Dem fried so til dem ton fuul, so dem se tu wan aneda se, “A uu da man ya? Iivn di briiz an di sii dem du wa im tel dem!”

Maak 4:41 Iomraidhean Croise

Matyu 14:32

Wen dem go iina di buot di briiz did tap bluo.

Matyu 8:27

An di man dem jaa jrap a grong, dem se, “Bot a wa kain-a man dis ya? Aal briiz an sii lisn im an du wa im se!”

Maak 4:40

Den Jiizas aks dem se, “Wa mek unu fried so? Unu stil no biliiv iina Gad?”

Maak 5:1

Jiizas an im falara dem riich di neks saida Liek Gyalalii, iina di konchri we di Girasiinz piipl dem liv.

Maak 5:33

Di uman did fried an a chrimbl, kaaz shi nuo wa did apm tu ar. So shi jrap arself a im fut an tel im evriting.

Maak 7:37

An aal uu ier did wel shak. Dem se, “Im du evriting gud! Im aal mek piipl we did def ier, an piipl we did dom taak.”

Luuk 4:36

Aal a di piipl dem shak an se tu dem wan aneda, “Bot a wa dis ya? Im av di rait an di powa fi aada diiman fi kom outa piipl an dem kom out!”

Luuk 8:25

“We unu chos iina mi de?” Jiizas aks dem. Dem so fraitn wen dem si wa Jiizas du, dem aks dem wan aneda, “Tap! a wa kain-a man dis? Im taak tu aal briiz an wiev an dem du wa im tel dem fi du?”

Iibruu 12:28

So laik ou Gad a gi wi di rait fi ruul wid im, an dat a sitn we kyaahn shiek op, mek wi gi Gad tangks an yuuz dis an worship im iina wan wie we wi mek im api. Mek wi rispek im big taim.

Revilieshan 15:4

Uo Laad, uu wudn fried a yu, an big yu op an gi yu nof rispek, kaaz nobadi els no uoli laik yu? Aal a di piipl dem iina di worl afi go kom niil dong infronta yu an worship yu, kaaz evribadi si se evriting we yu du rait.”