Maak 4:16 - Di Jamiekan Nyuu Testiment

¹⁶ Di siid dem we jrap wich paat bie rakstuon de a di piipl dem we wel glad fi Gad wod siem taim dem ier it.

Maak 4:16 Iomraidhean Croise

Matyu 13:5

Som jrap we bier rakstuon de. Dem neehn av moch dot fi gruo iina. Nou, kaaz no uol iip a dot neehn de de, di ruut kudn go dong diip diip so di plaant dem kom op faas faas.

Maak 4:15

Di siid we jrap wich paat piipl waak, dem a di piipl we ier di mesij, bot Sietan kom siem taim an tek we di mesij outa dem aat.

Maak 4:17

Bot siem laik di plaant uufa ruut no go dong diip iina di grong, dem no mek Gad wod go diip iina dem aat, so dem no laas no taim. Wen tof taim lik dem siek-a Gad wod, dem gi op an ton bak siem taim — siem laik ou di plaant jrai op an ded.

Maak 6:20

kaaz Erad did wel rispek Jan an protek im, kaaz im nuo se Jan a did wan gud man we aalwiez du wa rait. Erad did lov fi lisn tu Jan, iivn duo evritaim im ier im, wa Jan se kanfyuuz im muor an muor.

Luuk 8:13

Di siid dem we jrap pan di grong we bier rakstuon de, a piipl we glad fi Gad wod, biliiv Gad wod fi likl bit, bot siem laik di plaant dem uufa ruut no go dong diip iina di grong, dem no mek Gad wod go diip iina dem aat. Dem biliiv fi likl bit, bot wen taim kom fi dem get tes, dem ton bak — siem laik ou di plaant jrai op an ded.

Jan 5:35

Jan did komiin laka wan lamp we a bon an gi out lait, an unu did glad fi di lait fi likl bit.

Aks 26:28

Agripa se tu Paal se, “So iina no taim yu a chrai ton mi iina sumadi we biliiv iina Jiizas?”

Aks 8:13

Aal Saiman biliiv an get baptaiz tu. Im fala Filip evriwe im go an im kudn biliiv di mirikl dem we Filip did a du.