Maak 4:12 - Di Jamiekan Nyuu Testiment

¹² so “ ‘Iivn duo dem mait-a a luk an a luk aad aad, dem naa go si notn, an iivn duo dem mait-a a lisn an a lisn gud gud dem naa go andastan wa dem ier, kaaz ef dem did andastan dem wuda ton we fram dem sin an get siev.’ ”

Maak 4:12 Iomraidhean Croise

Maak 8:18

Unu av yai, so ou unu kyaahn si? Unu av iez, so ou unu kyaahn ier? A memba unu no memba?

Luuk 8:10

Jiizas se tu dem se, “Unu get fi andastan di siikrit sopm dem bout Gad kindom, bot fi ada piipl, mi mek wa mi se soun laik rigl. So dat, “ ‘Iivn duo dem kyan si, dem naa si; an iivn duo dem kyan ier, dem naa andastan.’

Aks 3:19

So ton we fram unu sin, beg Gad paadn an kom bak tu im, so dat im wi tek we unu sin dem.

2 Timoti 2:25

Gad sorvant, wen im a karek di wan dem we go gens di chuut, fi tek im taim wid dem. Kaaz Gad mait-a mek dem chienj dem wiez an lorn di chuut.

Iibruu 6:6

an den afta aal a dat ton dem bak pan Gad, notn kyaahn mek dem piipl de kom bak tu Gad agen. Kaaz a niel dem a niel Gad Bwai Pikni pan di kraas wan muo taim, an mek piipl a luk dong pan im an tek im fi fuul.