Maak 4:11 - Di Jamiekan Nyuu Testiment

¹¹ So im ansa dem se, “Unu get di chaans fi nuo di siikrit sitn dem bout Gad kindom. Bot di piipl dem we de outsaid, mi yuuz tuori tel dem evriting,

Maak 4:11 Iomraidhean Croise

Matyu 11:25

Da taim de, Jiizas se, “Faada, a yu ron evriting iina evn an pan ort, mi priez yu. Mi priez yu kaa yu aid dem sitn ya fram piipl we tingk se dem brait an av nof sens, bot yu shuo lili pikni dem.

Matyu 13:16

Bot Gad bles fu'unu yai an iez dem, kaa dem si an ier!

Matyu 16:17

So den Jiizas se tu im se, “Saiman, Juona bwai pikni, yu bles, kaa a no naamal piipl mek yu nuo dat, bot a fi mi Faada we iina evn tel yu dat!

Maak 3:23

So Jiizas kaal di piipl dem an tel dem wan likl tuori fi tiich dem sitn. Im aks dem se, “Ou Sietan fi ron out imself, iihn?

Maak 4:10

Afta di kroud lef, di twelv apasl an di ada piipl dem we did de roun Jiizas aks im bout di tuori dem.

Maak 4:2

An im yuuz som likl tuori an tiich dem uol iip a sitn. Im se tu dem se,

Luuk 8:10

Jiizas se tu dem se, “Unu get fi andastan di siikrit sopm dem bout Gad kindom, bot fi ada piipl, mi mek wa mi se soun laik rigl. So dat, “ ‘Iivn duo dem kyan si, dem naa si; an iivn duo dem kyan ier, dem naa andastan.’

1 Korintiyan 4:7

Kaaz a uu mek unu beta dan enibadi els? Wa unu av we a no get unu get it? An ef a get unu get it, mek unu a buos laik se a no get unu did get it?

2 Korintiyan 4:6

Di Gad we se, “Mek di lait shain iina di daak,” a im siem wan mek im lait shain iina wi aat so dat wi kyan andastan umoch im lov wi an ou powaful im bi. An wi onggl get fi andastan dem sitn de wen wi biliiv iina Krais Jiizas.

Ifiijan 1:9

An kaaz Gad did waahn wi fi nuo, im tel wi aal a im plan dem we nobadi neva nuo bout. Fram di staat, im did mek op im main fi yuuz Jiizas fi du aal a di sitn dem wa im plan.

Koloshan 4:5

Unu fi gwaan laik se unu av sens wen unu roun piipl we a no Krais Jiizas falara. No wies no taim, evri chaans unu get unu fi du dat.

1 Tesaluoniyan 4:12

Da wie de, ou unu liv wi mek piipl we no biliiv an chos iina Gad rispek unu an unu no afi luk tu nobadi fi notn niida.

1 Timoti 3:7

A no jos piipl we biliiv iina Jiizas wan, bot aal piipl we no biliiv iina Jiizas mos taak gud bout im. Kaaz ef piipl rispek im nobadi kyaahn se notn wikid bout im an di devl naa go kyan chrap im.

1 Jan 5:20

Wi nuo se Jiizas Krais, Gad Bwai Pikni kom an shuo wi di riil Gad. Siek-a Jiizas, wi bilang tu Gad nou — di riil Gad we mek piipl liv fi eva an eva.