Maak 2:2 - Di Jamiekan Nyuu Testiment

² So piipl staat fi gyada op a im ous an di plies did ram op so til yu kudn fain no we fi tan op, no iivn a di duor. An Jiizas priich Gad wod tu dem.

Maak 2:2 Iomraidhean Croise

Matyu 5:2

Im uopm op im mout an staat fi tiich dem. A dis im se:

Maak 1:14

Nou afta dem lak op Jan iina prizn, Jiizas go a Gyalalii go priich Gad gud nyuuz.

Maak 1:33

Di uol toun gyada op a di ous duor.

Maak 1:37

Wen dem fain im, dem se tu im se, “Evribadi a luk fi yu!”

Maak 1:45

Bot di man lef an staat pred tu evribadi wa Jiizas du fi im. So fram dat Jiizas kudn go iina no toun mek nobadi si im. Im afi tan iina di konchri paat faar faar fram di toun. Bot piipl stil kip aan a kom tu im fram aal bout.

Maak 2:1

Afta kopl die Jiizas go baka Kyaporniyom an nyuuz pred aal bout se im kom uom.

Maak 2:13

Jiizas go bak pan di sii-said an uol iip a piipl gyada op roun im, an im tiich dem.

Maak 6:34

Wen Jiizas kom outa di buot, im si di big big kroud a piipl pan di sii-said an im fiil sari fi dem, kaaz dem did komiin laik shiip we no av no shepad fi luk aafa dem. So im tiich dem nof sitn.

Luuk 12:1

Wen touzn an touzn a piipl staat gyada gyada we Jiizas de, dem did so nof dem aal a tep op tep op pan dem wan aneda. Jiizas taak tu im speshal falara dem fos, im se, “Wach out fi di tuu mout Farisii dem.

Luuk 5:17

Wan die wen Jiizas did a tiich, som Farisii an som a di Laa tiicha dem did sidong a lisn tu im. Dem kom fram evri dischrik iina Gyalalii, Judiya an Jeruusilem. Pan da die de Gad gi Jiizas di powa fi mek di sik piipl dem beta.

Luuk 8:1

Afta dat, Jiizas chravl fram toun tu toun an dischrik tu dischrik, a priich di gud nyuuz bout Gad kindom. Aal dem taim de, di twelv did a go roun wid im.

Luuk 8:11

“Di tuori wa mi jos tel unu, dis a wa it miin: Gad wod a di siid.

Aks 11:19

Afta di Juu dem kil Stiivn, sofarieshan tek di piipl dem we biliiv iina Jiizas an kaaz som a dem fi get skyata skyata. Dem skyata go klier a Foniisiya, Saipros, an Antiyak, an evriwe dem go dem priich di gud nyuuz, bot a onggl di Juu dem wan dem did a priich tu.

Aks 14:25

an afta dem priich Gad wod tu di Porga piipl dem, dem lef an go dong a Ataliya.

Aks 16:6

Di Uoli Spirit wudn lou dem fi priich di gud nyuuz iina Iezha, so dem muuv chuu Frijiya an Gyaliesha.

Aks 8:25

Afta Piita an Jan don tel di piipl wa dem nuo bout di Laad, an priich di Gud Nyuuz, dem go baka Jeruusilem. Pan di wie dem priich di Gud Nyuuz iina nof Samaritan dischrik.

Ruoman 10:8

Wa els Gad wod se? It se: “Gad mesij de kluos tu unu, it de iina unu mout an iina unu aat.” A da siem mesij de wi a priich; di mesij we se yu afi chos Gad.

2 Timoti 4:2

priich Gad wod an mek shuor se yu aalwiez redi fi priich. Ef di taim rait ar it no rait, priich it siem wie. Yu afi shuo di piipl dem di rang we dem a du an put dem iina dem plies kaaz dem a sin. Yu mos tek taim wid dem wen yu a tiich dem an push dem fi du wa rait.