Maak 2:16 - Di Jamiekan Nyuu Testiment

¹⁶ Wen di Laa tiicha dem an di Farisii dem si se Jiizas did a nyam wid taks kalekta an piipl we du rang, dem aks im falara dem se, “Wa mek im nyam wid di taks kalekta an rang-duwa?”

Maak 2:16 Iomraidhean Croise

Matyu 18:17

Ef di breda ar sista no waahn lisn di piipl dem we unu kyari, go tel di choch. An ef dem no pie dong tu di choch main, den diil wid dem laik ou unu wuda diil wid sumadi we no siev ar wan taks kalekta.

Matyu 5:46

Aftaraal, ef unu onggl lov di piipl dem we lov unu, wa unu a-go get outa dat?

Matyu 9:11

Wen di Farisii piipl dem si dis ya, dem ton tu im speshal falara dem an se, “Wa mek unu tiicha nyam wid taks kalekta an rang-duwa?”

Maak 2:15

Afta dat, Jiizas go nyam a Liivai yaad, an nof taks kalekta an piipl we du rang did kom kom sidong an nyam wid im an im speshal falara dem, kaaz a uol iip a piipl did a fala im.

Maak 2:7

“A wa rang wid da man ya duo iihn? Ou im fi se dem sitn de? Im a disrispek Gad! No onggl Gad wan kyan paadn sin?”

Luuk 18:11

Di Farisii tan op an prie bout imself se ‘Gad, mi tangk yu dat mi no tan laka ada piipl we tiif, brok di Laa, sliip wid piipl dem no marid tu, ar iivn laik da taks kalekta ya.

Luuk 19:10

Di Man we Gad Pik kom fi luk fi piipl we laas an siev dem.”

Luuk 19:7

Di piipl si dis an dem staat grombl, “Im gaan go tan a wan sina man yaad.”

Luuk 5:30

Bot di Farisii an di Laa tiicha dem, komplien tu Jiizas speshal falara dem se, “Wa mek unu a nyam an jringk wid di taks kalekta an rang-duwa dem?”

Aks 23:9

Di Sadyusii dem an di Farisii dem shout aafa wan aneda louda an louda til som a di Laa tiicha fram di Farisii gruup get op an taak chrang chrang, an wan a dem se, “Wi no fain notn rang wid da man ya. Sopuoz a wan spirit ar wan ienjel did taak tu im fi chuu?”

1 Korintiyan 2:15

Di piipl we av Gad Spirit a liv iina dem, dem kyan andastan evriting bot piipl we no av di Spirit naa go kyan andastan dem.

Iibruu 12:3

Unu fi luk pan Jiizas, luk ou di wikid sina dem chriit im wel bad, bot im uol aan an pres chuu siem wie. Unu fi tingk bout dat so unu no get taiyad an waahn gi op.