Maak 2:14 - Di Jamiekan Nyuu Testiment

¹⁴ Wen im did de pan im wie im si Liivai, Alfiyos bwai, sidong wich paat piipl kalek taks. Jiizas se tu im se, “Fala mi!” So im get op an fala Jiizas.

Maak 2:14 Iomraidhean Croise

Matyu 8:22

Bot Jiizas tel im se, “Fala mi, an mek di ded galang go beri uu ded fi dem.”

Maak 2:15

Afta dat, Jiizas go nyam a Liivai yaad, an nof taks kalekta an piipl we du rang did kom kom sidong an nyam wid im an im speshal falara dem, kaaz a uol iip a piipl did a fala im.

Maak 3:18

Anju, Filip, Bartalimyuu, Matyu, Tamas, Jiemz Alfiyos bwai, Tadiyos, Saiman di Zelat,

Luuk 6:15

Matyu, Tamas, Jiemz (dat a Alfiyos bwai pikni), Saiman we dem kaal Zelat,

Aks 1:13

Wen dem kech a Jeruusilem, dem go opstiez go a di ruum we dem did a stie. Piita, Jan, Jiemz an Anju; Filip an Tamas, Bartalimyuu an Matyu; Jiemz, Alfiyos bwai pikni, Saiman we niem Zelat, an Juudas, Jiemz bwai pikni, aal a dem did de de.