Maak 2:13 - Di Jamiekan Nyuu Testiment

¹³ Jiizas go bak pan di sii-said an uol iip a piipl gyada op roun im, an im tiich dem.

Maak 2:13 Iomraidhean Croise

Matyu 13:1

Pan da siem die de afta Jiizas lef di yaad, im go a di liek-said go sidong.

Matyu 9:9

Wen Jiizas a lef de-so, im si wan man we niem Matyu a sidong a di staal wich paat piipl kalek taks. “Fala mi,” im se tu Matyu. An Matyu get op an fala Jiizas.

Maak 1:45

Bot di man lef an staat pred tu evribadi wa Jiizas du fi im. So fram dat Jiizas kudn go iina no toun mek nobadi si im. Im afi tan iina di konchri paat faar faar fram di toun. Bot piipl stil kip aan a kom tu im fram aal bout.

Maak 10:1

Afta Jiizas lef we im did de, im go paas Riva Jaadn an go iina di Judiya ieriya. Nof piipl kom tu im agen. An laik im aalwiez du, im tiich dem.

Maak 2:2

So piipl staat fi gyada op a im ous an di plies did ram op so til yu kudn fain no we fi tan op, no iivn a di duor. An Jiizas priich Gad wod tu dem.

Maak 4:1

Wan neks taim Jiizas did a tiich saida di liek. Wan big big kroud a piipl gyada op roun im. Im did afi go iina wan buot pan di liek go sidong wail di iip a piipl dem tan op a di liek-said.

Luuk 19:48

Bot dem kudn fain no wie fi du it, kaaz evribadi did a lisn evri wod we Jiizas se.

Luuk 21:38

Aal a di piipl dem get op orli a maanin taim fi kom lisn Jiizas a Gad ous.