Maak 2:1 - Di Jamiekan Nyuu Testiment

¹ Afta kopl die Jiizas go baka Kyaporniyom an nyuuz pred aal bout se im kom uom.

Maak 2:1 Iomraidhean Croise

Matyu 4:13

Wen im de a Gyalalii, im lef fram Nazaret an kom liv a Kyaporniyom, a di sii-said, iina di Zebyulan an Naftali ieriya,

Matyu 9:1

Afta Jiizas go iina di buot, im siel go kraas di neks said, an riich a fi im uona toun.

Maak 1:45

Bot di man lef an staat pred tu evribadi wa Jiizas du fi im. So fram dat Jiizas kudn go iina no toun mek nobadi si im. Im afi tan iina di konchri paat faar faar fram di toun. Bot piipl stil kip aan a kom tu im fram aal bout.

Maak 2:2

So piipl staat fi gyada op a im ous an di plies did ram op so til yu kudn fain no we fi tan op, no iivn a di duor. An Jiizas priich Gad wod tu dem.

Maak 3:20

Nou Jiizas go baka di ous wich paat im did a stie an wan kroud a piipl did gyada op de, so im an im falara dem kudn get fi iit.

Maak 7:17

Afta Jiizas lef di kroud an go iina di ous, im falara dem aks im wa di tuori miin.

Maak 7:24

Afta dat Jiizas lef an go a Taiya ieriya. Im go iina wan ous, an im neva waahn nobadi fi nuo se im de de, bot im kudn aid.

Maak 9:28

Afta Jiizas go iina di ous, im falara dem aks im se, “Wa mek wi kudn ron out di diiman?”

Luuk 4:23

Jiizas se tu dem, “Uol taim piipl yuus tu se, ‘Dakta, kyuor yuself.’ Mi nuo se no tuu lang fram nou unu a-go tel mi di siem sitn. Unu a-go tel mi se, ‘Di siem sitn dem we wi ier se yu du iina Kyaporniyom du dem rait ya-so wich paat yu kom fram.’ ”

Luuk 5:18

Jiizas did a tiich wen som man kom de wid dem kripl fren pan wan chrecha. Dem chrai fi kyari im iina di ous, fi put im infronta Jiizas.

Jan 4:47

Wen im ier se Jiizas kom bak fram Judiya an dat im did de a Gyalalii, im go luk fi im an beg im fi kom wid im a Kyaporniyom fi mek im bwai pikni, we did bout fi ded, beta.

Aks 2:6

Wen dem ier di big naiz, wan kroud a dem gyada op. Dem did wel shak kaaz evri wan a dem did ier iina fi dem uona langwij wa di biliiva dem did a se.