Maak 13:7 - Di Jamiekan Nyuu Testiment

⁷ Wen unu ier bout waar nier an faar, no bada mek dem sitn de fraitn unu. Dem sitn de boun fi apm, bot dat no miin se a don di worl a don.

Maak 13:7 Iomraidhean Croise

Matyu 18:7

“Chobl fi da worl ya, siek-a aal a di sitn dem we de ya fi mek piipl du rang! Tingz afi kom fi mek piipl sin yu no, bot yu si di piipl dem we mek ada piipl du rang, chobl fi dem!

Matyu 2:3

Nou wen King Erad ier dis ya, dis bada bada im ed, an it bada uol iip a piipl iina Jeruusilem tu.

Maak 13:6

Kaaz a uol iip a piipl a-go kom yuuz op yuuz op mi niem, an a se, ‘Mi a Krais, a mi Gad sen fi siev piipl,’ an dem a-go fuul op nof piipl.

Maak 13:8

Kaaz wan set a piipl a-go waar gens wan neks set a piipl, an wan kindom a-go fait gens wan neda kindom. Ortkwiek a-go apm iina nof nof plies. Fuud a-go shaat an nof nof piipl a-go staav. An di wie piipl a-go sofa, it a-go komiin laik di fos pien we lik wan uman we tek iin fi av Biebi.

Jan 14:1

“No wori unuself. Chos iina Gad, an chos iina mi tu.

Jan 14:27

“Mi a lef go we, bot mi a-go mek unu av piis iina unu aat — di kain-a piis we mi av iina fi mi aat. A no di sed kain-a piis yu get fram di worl. No mek unu aat bada unu, an no kech unu fried.

Aks 17:3

Im shuo dem an elp dem fi andastan wa it miin wen Gad wod se Krais Jiizas did afi sofa an kom bak alaiv. Im se, “Da siem Jiizas ya we mi a tel unu bout, a im a di wan we Gad sen kom fi siev piipl.”