Maak 12:6 - Di Jamiekan Nyuu Testiment

⁶ “Di uona did av onggl wan sumadi lef uu im kuda sen — im wan bwai pikni we im lov bad bad. So im sen im tu di tenant dem, kaaz im se, ‘Dem wi rispek mi bwai.’

Maak 12:6 Iomraidhean Croise

Matyu 1:23

Di prafit did se, “Lisn op! Di uman we neehn sliip wid no man a-go get biebi — a wan bwai shi a-go av, an dem a-go kaal im Imanyuwel.” Da niem de miin, “Gad de ya wid wi.”

Matyu 11:27

“Mi Faada gi mi evriting. A onggl di Faada wan riili nuo di Bwai Pikni. An nobadi no riili nuo di Faada, onggl di Bwai Pikni wan an enibadi els we di pikni waahn fi mek nuo di Faada.

Matyu 17:5

Luk ya no, siem taim Piita a chat, wan brait kloud kom dong kom kova dem op, an wan vais iina di kloud se, “Dis a fi mi Bwai Pikni, mi lov im, an im mek mi api. Unu fi lisn we im se!”

Matyu 26:63

Bot Jiizas no se notn. Di liida fi di priis dem se tu im se, “Infronta di Gad we liv, mi de kaal pan yu fi taak chuut, yu a di Krais, Gad Pikni?”

Matyu 3:17

An wan vais fram evn se, “Dis a mi wan dege-dege Bwai Pikni, mi lov im, an im mek mi aat glad.”

Maak 1:11

An wan vais fram evn se, “Yu a fi mi wan dege-dege Bwai Pikni, mi lov yu an yu mek mi aat glad.”

Maak 12:5

Di uona stil sen wan neda sorvant, bot dem kil im. Im sen nof muo sorvant, bot dem biit som an kil di res a dem.

Maak 12:7

“Bot di tenant dem se tu dem wan aneda, ‘A da wan ya a-go get evriting wen im faada ded. Kom mek wi kil im! Da wie de wen im faada ded a wi a-go get evriting we im shuda get.’

Maak 9:7

Den wan kloud kom dong kom kova dem op an dem ier sumadi vais iina di kloud se, “A fi mi Bwai Pikni dis. Unu fi lisn wa im se!”

Luuk 3:22

an di Uoli Spirit kom dong pan Jiizas iina di shiep a wan dov. An wan vais fram evn se, “Yu a fi mi wan dege-dege bwai, mi lov yu an yu mek mi aat glad.”

Luuk 9:35

Den dem ier wan vais iina di kloud se, “Dis a mi bwai pikni, a im mi pik, unu fi lisn we im se.”

Jan 1:14

Nou, di wan we a di Wod ton man, im kom kom liv mongks wi, an wi si ou im big an powaful. Im a Faada Gad wan an onggl dege-dege Bwai Pikni. Faada Gad sen im kom an a di Faada mek im so big an powaful. Di Bwai Pikni shuo wi nof nof lov iivn duo wi no dizorv it, an a bier chuu sitn im shuo wi bout Gad.

Jan 1:18

Nobadi neva eva si Gad yet. Di onggl sumadi we eva si im a di wan dege-dege Bwai Pikni, we a Gad imself. Im wel kluos tu di Faada, an a im mek wi nuo wa di Faada komiin laik.

Jan 1:34

Mi si dis ya apm wid mi uona tuu yai dem, an mi a tel unu se da man ya, a im a Gad Bwai Pikni.”

Jan 1:49

Wen Nataniyel ier Jiizas se dat de, im se, “Rabai! Tiicha! Yu a Gad Bwai Pikni fi chuu! Yu a di King we ruul uova Izrel!”

Jan 3:35

Di Faada lov im Bwai Pikni, an im gi im powa uova evriting.

Jan 5:23

so dat evribadi kyan rispek di Bwai Pikni iina di sed wie dem rispek di Faada. Enibadi we no rispek di Bwai Pikni no rispek di Faada we sen im.

Iibruu 1:6

Bot wen Gad bring im fos bwai kom iina di worl, im se, “Aal a Gad ienjel dem — worship im!”

1 Jan 4:9

Gad shuo wi umoch im lov wi wen im sen im wan dege-dege Bwai Pikni iina di worl kom ded fi wi so wi kyan get riil laif.

3 Jan 1:1

Da leta ya a kom fram mi, di Elda — tu mi speshal fren, Gaiyos. Mi fren, mi riili riili lov yu.