Maak 12:2 - Di Jamiekan Nyuu Testiment

² Wen a did taim fi gyada op di griep, im sen wan a im sorvant go a di tenant dem fi go get fi im shier.

Maak 12:2 Iomraidhean Croise

Matyu 21:34

Wen di griep dem raip op nou, an a taim fi pik dem, im sen im sorvant dem go a im tenant dem fi kalek wa im fi get fram im faam.

Maak 12:1

Den Jiizas taak tu dem an tel dem da tuori ya: “Yu did av wan man we did plaant wan griep faam. Im put op wan waal aal roun it, dig out wan uol iina di grong fi krosh out di griep fi mek wain, an bil op wan plies pan tap a di waal fi di gyaad wach uova di faam. Den im rent it out tu som faama an go farin.

Maak 12:3

Di tenant dem grab di sorvant, biit im op an sen im we wid im tuu lang an.

Luuk 12:48

Di wan we no nuo se im a du sitn rang jos a-go get wan wan lik. Evribadi we get uol iip, afi go gi uol iip. Enibadi we di maasta chos an lef inchaaj a uol iip a sitn, afi go ansa fi uol iip.”

Luuk 20:10

Wen a did taim fi riip di fuud, im sen wan sorvant go a di tenant dem fi get fi'im shier. Dem biit im op an sen im we wid notn.

Iibruu 1:1

Iina di uol taim die dem Gad yuus tu yuuz im prafit dem uol iip a taim, an iina aal kain-a wie fi taak tu wi faada faada dem.