Maak 11:9 - Di Jamiekan Nyuu Testiment

⁹ Di wan dem we go infront an di wan dem we fala baka Jiizas did a kaal out, “Priez Gad!”

Maak 11:9 Iomraidhean Croise

Matyu 21:9

Di kroud a piipl dem we waak infronta Jiizas, an di wan dem baka im did kip aan a shout out, “Priez Gad! Priez Dievid pikni!” “Gad bles di wan we im sen kom — im sen im wid fi'im powa!” “Priez Gad we iina evn!”

Matyu 23:39

Mi a tel unu dis, unu naa si mi agen til unu se, ‘Gad bles di wan we im sen.’”

Maak 11:8

Nof piipl pred dem jakit pan di ruod, an som a dem chap bush an pred dem pan di ruod.

Jan 12:13

So dem tek som paam chrii branch an go fi miit im, an dem shout out loud loud se, “Priez Gad!” “Gad bles di wan we im sen kom! im sen im wid fi'im powa!” “Gad bles di wan we a king iina Izrel!”

Jan 19:15

Bot dem shout out se, “Tek im we! Tek im we! Niel im pan di kraas mek im ded!” “Mi fi niel op unu king pan di kraas mek im ded?” Pailat aks dem. “Siiza a di onggl king wi av,” di ed priis dem se tu im.