Maak 1:22 - Di Jamiekan Nyuu Testiment

²² Evribadi shak wen dem ier di sitn dem we im did a tiich, kaaz im tiich laik sumadi we av di rait an di powa fi du it. Im neehn tiich laik di Laa tiicha dem.

Maak 1:22 Iomraidhean Croise

Matyu 13:54

Wen im kech a Nazaret, we im kom fram, im staat tiich di Juu dem iina dem choch. Di piipl dem kudn biliiv dem iez. Dem se, “A ou da man ya so waiz? A we im get di powa fi du dem mirikl de?

Maak 1:23

Siem taim wan man we did iina di Juu dem choch we diiman did tek kanchuol a baal out,

Luuk 2:47

Evribadi we ier Jiizas taak kudn biliiv di wie ou im ansa kwestiyan an di sitn dem we im andastan.

Luuk 21:15

Mi wi gi unu di wod dem so unu wi nuo ou fi ansa, so non a unu enimi dem kyaahn tan op gens unu ar se unu rang.

Luuk 4:32

Di wie ou im tiich shak dem, kaaz im mesij shuo se im nuo we im a taak bout.

Jan 7:46

Di gyaad dem se, “Nobadi neva eva taak laik ou da man ya taak.”

Aks 6:10

bot dem fain se dem kudn manij im, kaaz di Spirit did mek im wel waiz an tel im aal wa im fi se.

2 Korintiyan 4:2

Wi no av notn fi du wid di bad sitn dem we piipl aid an du, an we bring dong shiem pan dem. Wi no chrai fi chrik nobadi an wi no ad ar chienj op notn we de iina Gad wod. Gad a wi witnis se wi onggl tiich di chuut an so piipl nuo se dem kyan chos wi.