Luuk 9:1 - Di Jamiekan Nyuu Testiment

¹ Jiizas kaal im twelv apasl dem tugeda an gi dem powa an di rait fi ron out diiman an fi kyuor sik piipl.

Luuk 9:1 Iomraidhean Croise

Matyu 16:19

Mi a-go gi yu di kii fi Gad kindom. Eniting we yu se no fi gwaan pan ort a dat Gad wuda se aredi. An eniting we yu se: ye, dat kyan gwaan, Gad wuda lou dat fi gwaan aredi.”

Matyu 4:24

So piipl staat ier bout im muo an muo aal roun Siriya, an dem kyari aal saat a piipl kom we sik iina dis ya wie ar dat de wie. Dem kyari piipl we pien op an a sofa fram aal saat a kraasiz, an aal uu did a sofa fram sitn we mek dem kech fits dem kyari dem kom tu. Dem kyari piipl we kyaahn waak, piipl we av diiman iina dem, an Jiizas get di uol a dem beta.

Matyu 8:9

Kaaz mi tek aada fram dem we uova mi tu, an mi av suoja we mi kanchuol. Mi tel da wan ya, ‘Go de-so’ an im go, an wan neks wan, ‘Kum ya’ an im kom. An mi tel mi sorvant, ‘Du dis’ an im dwi'it.”

Luuk 10:1

Afta dis, di Laad pik sevnti-tuu a im ada falara dem an sen dem out tuu tuu, fi go evriwe im plan fi go.

Luuk 10:19

Mi gi unu di powa fi waak pan siniek an skaapiyan. Mi gi unu powa, muor powa dan we di enimi av. Notn bad kyaahn du unu.

Jan 14:12

Fi chuu chuu mi a tel unu se enibadi we biliiv iina mi a-go wok di powaful mirikl dem we mi a du. Dem aal a-go wok muo powaful mirikl dan wa mi du nou, kaa mi a go baka di Faada.

Aks 1:8

Bot di Uoli Spirit a-go kom pan unu an ful unu op wid powa an unu wi tel piipl iina Jeruusilem, Judiya, Samieriya an aal uova di worl bout mi.”

Aks 3:16

A Jiizas powa mek da kripl man ya get beta. So wa unu si apm tide, onggl apm kaaz wi biliiv iina Jiizas. Unu kyan si fi unuself se a Jiizas powa mek im beta.

Aks 4:30

Yuuz yu powa an mek piipl beta. An mek wi yuuz di niem a yu sorvant Jiizas fi du som powaful mirikl an som sain.”

Aks 9:34

Piita se tu im se, “Ieniyas, Jiizas Krais mek yu beta! Git op an ruol op yu bed!” Siem taim Ieniyas get op.