Luuk 8:2 - Di Jamiekan Nyuu Testiment

² Som uman we Jiizas did ron diiman outa an we did sik an im mek beta, did a go roun wid im tu, dem a: Mieri di wan we dem kaal Magdaliin (Jiizas did ron sevn diiman outa ar),

Luuk 8:2 Iomraidhean Croise

Matyu 4:24

So piipl staat ier bout im muo an muo aal roun Siriya, an dem kyari aal saat a piipl kom we sik iina dis ya wie ar dat de wie. Dem kyari piipl we pien op an a sofa fram aal saat a kraasiz, an aal uu did a sofa fram sitn we mek dem kech fits dem kyari dem kom tu. Dem kyari piipl we kyaahn waak, piipl we av diiman iina dem, an Jiizas get di uol a dem beta.

Maak 16:1

Afta di Sabat, Mieri Magdaliin, Mieri Jiemz mada, an Saluomi bai som swiit spais fi go naint Jiizas badi.

Maak 16:9

Afta Jiizas kom bak alaiv pan di fos die a di wiik, di fos sumadi we im mek si im a Mieri Magdaliin, di uman we im did ron sevn diiman outa.

Luuk 23:27

Uol iip a piipl fala baka Jiizas, an di uman dem ban dem beli an a baal fi im.

Luuk 23:49

Bot di piipl dem we nuo Jiizas, an di uman dem we fala im fram Gyalalii, tan wan said a wach.

Luuk 23:55

Di uman dem we kom wid Jiizas fram Gyalalii fala Juozif an si di tuum an ou Jiizas badi did pudong iina it.

Luuk 8:30

So Jiizas aks im se, “Wa yu niem?” Im ansa bak, “ ‘Uol-iip’ — a so wi niem.” Im se a so im niem kaaz a nof nof diiman did go iina im.

Jan 19:25

Jiizas mada did a tan op saida im kraas. Ar sista did de de tu, plos yu did av Mieri, Kluopas waif, an Mieri Magdaliin.

Aks 1:14

Di uol a dem did eva a miit tugeda fi prie: dem, di uman dem, Mieri, Jiizas mada, an Jiizas breda dem.