Luuk 8:16 - Di Jamiekan Nyuu Testiment

¹⁶ “Nobadi no lait lamp an kova it wid wan bokit ar put it anda wan bed. Lamp pudong we piipl kyan si di lait wen dem kom iina di ous.

Luuk 8:16 Iomraidhean Croise

Luuk 11:33

“Nobadi no lait lamp an put it wich paat nobadi kyaahn si it ar kova it wid bokit. Lamp pudong we piipl kyan si di lait wen dem kom iin.

Luuk 8:15

Di wan dem we jrap pan gud grong, a di piipl dem uufa aat riili gud. Dem ier di wod an uol aan pan it. Aal wen aad taim kom, dem stil bier fruut.

Aks 26:18

Mi a sen yu tu dem so yu kyan elp dem fi si an kom outa di daaknis an kom iina di lait. An mi a sen yu fi elp dem get frii fram Sietan powa an mek Gad ruul dem laif. Da wie de dem wi ton paat a Gad piipl uufa sin im paadn kaaz dem biliiv iina im.’

Revilieshan 1:20

Di sevn staar dem we yu si iina mi rait an, an di sevn guol sitn dem fi uol kyanggl, dis a wa dem miin: di sevn staar dem a di liida dem fi di sevn choch dem, an di sevn sitn fi uol kyanggl a di sevn choch dem.”

Revilieshan 11:4

Dem tuu sorvant ya a di tuu aliv chrii an di tuu sitn dem fi uol kyanggl we de infronta di Laad we ruul di ort.