Luuk 8:1 - Di Jamiekan Nyuu Testiment

¹ Afta dat, Jiizas chravl fram toun tu toun an dischrik tu dischrik, a priich di gud nyuuz bout Gad kindom. Aal dem taim de, di twelv did a go roun wid im.

Luuk 8:1 Iomraidhean Croise

Matyu 11:1

Wen Jiizas don tel im twelv falara dem wa fi du, im lef de-so an staat tiich an priich iina dem toun.

Matyu 13:19

Wen nobadi ier di mesij bout Gad kindom an no andastan it, di wikid wan kom siem taim kom tek we wa get plaant iina dem aat. Dis a di siid we did jrap wich paat piipl waak.

Matyu 4:23

Da taim de, Jiizas did go aal uova Gyalalii a tiich iina di Juu dem choch. Im did a priich di gud nyuuz bout Gad kindom an a get piipl beta — piipl we av aal kain-a siknis an we sik iina aal saat a wie.

Matyu 9:35

Den Jiizas go bout iina aal a di toun an dischrik dem a tiich iina di Juu dem choch, a priich di gud nyuuz bout Gad kindom an a get piipl beta we av aal kain-a siknis an a sofa fram aal saat a kraasiz.

Maak 1:39

So im go aal bout Gyalalii go priich iina di Juu dem choch an ron out diiman outa piipl.

Luuk 1:80

Di pikni gruo op an get chrang iina spirit, an im did liv iina di dezot til di die im shuo imself tu Izrel.

Luuk 20:1

Wan die, Jiizas did a tiich di piipl dem an a priich di Gud Nyuuz iina di yaad we Gad ous de. Di ed priis dem, di Laa tiicha dem an di elda dem kom tu im.

Luuk 4:18

“Di Spirit a di Laad de pan mi, kaaz im pik mi out fi kyari gud nyuuz go gi puo piipl. Im sen mi fi mek di prizna dem nuo se dem a-go frii, fi mek blain piipl nuo se dem a-go si agen, fi mek piipl we a sofa nuo se dem naa go sofa fi eva.

Luuk 9:6

So Jiizas apasl dem chravl fram dischrik tu dischrik, a priich di Gud Nyuuz an a kyuor piipl.

Aks 10:38

Unu nuo ou Gad did gi Jiizas we kom fram Nazaret im Uoli Spirit an powa. Jiizas go aal bout a du gud sitn, an aal a di piipl we di devl did kanchuol, Jiizas frii dem kaaz Gad did de wid im.

Aks 13:32

“Gad did mek wan pramis tu wi faada faada dem. An wi de ya fi tel unu di gud nyuuz bout di pramis.

Ruoman 10:15

An ef nobadi no sen dem, ou dem fi go priich tu nobadi? Jos laik it se iina Gad wod, “A wan gud gud sopm wen Gad mesinja dem kom priich di Gud Nyuuz.”