Di piipl dem did wel shak, so dem aks dem wan aneda, “A wa dis ya? A som powaful nyuu sitn im a tiich! Da man ya aal av di powa an di rait fi aada diiman fi kom outa piipl an dem du wa im se.”
So Jiizas go wid dem. Wen Jiizas kech nier di ous, di ed suoja sen som a im fren dem fi tel im se, “Laad, no bada yuself, mi no gud inof fi yu kom anda fi mi ruuf.
Kaaz mi tek aada fram dem we uova mi tu, an mi av suoja we mi kanchuol. Mi tel da wan ya, ‘Go de-so,’ an im go, an wan neks wan ‘Kum ya,’ an im kom. An mi tel mi sorvant, ‘Du dis,’ an im dwi'it.”