Luuk 5:2 - Di Jamiekan Nyuu Testiment

² Wen im luk im si tuu buot pan di liek-said. Di fishaman dem did lef dem de an did a wash dem net.

Luuk 5:2 Iomraidhean Croise

Matyu 4:18

Wen Jiizas did a waak saida Gyalalii sii, im si tuu breda: Saiman, we dem kaal Piita, an Saiman breda, Anju. Di tuu a dem did a fling out dem net iina di sii fi kech fish, kaa dem did a fishaman.

Matyu 4:21

Wen im lef de-so an go forda out im si tuu ada breda: Jiemz an Jan — Zebidii bwai pikni dem. Di tuu a dem did de iina di buot wid dem faada a fiks op dem net. Jiizas kaal dem.

Maak 1:16

Wen im did a waak saida Gyalalii sii, im si Saiman an im breda Anju. Dem did a fling out dem net iina di liek fi kech fish kaaz dem a did fishaman.

Maak 1:19

Likl dong fram de-so, im si Jiemz an Jan, Zebidii tuu bwai pikni dem iina wan buot a fiks dem net.

Luuk 5:1

Wan die, Jiizas did tan op a liek Genesaret an piipl did a kroud roun im fi lisn we Gad wod se.

Luuk 5:3

So Jiizas go iina Saiman buot, an aks im fi kyari di buot go out likl muo iina di waata. Den Jiizas sidong an tiich di piipl dem.

Jan 1:40

Saiman Piita did av wan breda niem Anju. Nou, Anju a did wan a Jan tuu falara dem we did fala Jiizas afta dem ier wa Jan did se bout im.