Luuk 4:8 - Di Jamiekan Nyuu Testiment

⁸ An Jiizas ansa im, “It rait dong se, ‘Yu fi worship di Laad we a yu Gad, an a im wan yu fi sorv.’ ”

Luuk 4:8 Iomraidhean Croise

Matyu 16:23

Bot Jiizas ton tu Piita an se, “Gu we fram mi Sietan! Yu dis a blak op mi wie so, kaa yu naa tingk bout di sitn dem we Gad waahn; a onggl wa piipl waahn de pan yu main!”

Matyu 4:10

Jiizas ansa bak, “Muuv an gu we fram mi Sietan! It rait dong se, ‘Yu fi worship di Laad we a yu Gad, an a im wan yu fi sorv.’”

Luuk 4:4

Jiizas ansa, “It rait dong iina Gad wod se, ‘Man no liv pan bred wan.’”

Luuk 4:7

Ef yu worship mi, aal a it a fi yu.”

Jiemz 4:7

So ton tu Gad an no du notn we di devl waahn unu fi du. Tan op chrang chrang gens im, an im wi ron we fram unu.

1 Piita 5:9

Fait im aaf. No du wa im tel unu fi du, an tan op chrang an chos Jiizas, kaaz unu nuo se a no unu wan a go chuu dis, unu breda an sista dem we de aal uova di worl a go chuu di siem kain-a sofarieshan.

Revilieshan 19:10

Wen mi ier dis, mi jrap pan mi nii a im fut fi worship im. Bot im se tu mi se, “No, yu kyaahn du dat! Mi sorv Gad jos laik yu an yu breda an sista dem we biliiv evriting we Jiizas tiich. So a Gad yu fi worship, kaaz di chuu sitn dem we nobadi neva nuo an we Jiizas shuo wi, a dat lou piipl fi pred Gad mesij!”

Revilieshan 22:9

bot di ienjel se tu mi se, “Nuo, no du dat! Mi a wan sorvant jos laik yu an yu breda — di prafit dem, an aal uu du we rait dong iina da buk ya. A Gad yu fi worship!